Գլխավոր էջ

30.06.22 ԾՆՎԵԼ Է ԱՐՑԱԽՅԱՆ 44-ՕՐՅԱ ՊԱՏԵՐԱԶՄՈՒՄ ԱՆՄԱՀԱՑԱԾ ՀԵՐՈՍ ՄԱՄԻԿՈՆ ԿԱՍՈՍՅԱՆԻ ԵՂԲԱՅՐԸ

Ուրախալի լուրով ենք կիսվում:

Հունիսի 29-ին լույս աշխարհ է եկել Արցախյան 44-օրյա պատերազմում անմահացած հերոս, մեր համաքաղաքացի, ազգությամբ եզդի Մամիկոն Կասոյանի եղբայրը: Տղային անվանակոչել են Դավիթ:

Դավիթն ու մայրիկը դեռ հիվանդանոցում են, իրենց լավ են զգում:

Փոքրիկ Դավիթի ծնունդը լույս ու մխիթարություն է Մամիկոնի ծնողների, հարազատների, ընկերների ու բոլորիս համար: Թող առողջ ու երջանիկ մեծանա հերոսի եղբայրը` խաղաղ ու կապույտ երկնքի ներքո, սիրով ու հոգատարությամբ շրջապատված:

Փառք մեր հերոսներին և հերոսածին մայրերին:

28.06.22 ԿԱՅԱՑԱՎ ԳԵՂԱՐՎԵՍՏԻ ԴՊՐՈՑԻ ՀԱՇՎԵՏՈՒ ՑՈՒՑԱՀԱՆԴԵՍԸ

Արտաշատի Ամո Խարազյանի անվան պետթատրոնի ճեմասրահում կայացավ Գեղարվեստի դպրոցի 2021-22թթ. ուսումնական տարվա հաշվետու ցուցահանդեսը` դպրոցի 90 սաների մասնակցությամբ: Ներկայացված էին շուրջ 200 աշխատանքներ՝ բնությունը պատկերող գեղանկարներ, դիմանկարներ, ծաղկային կոմպոզիցիաներ։ Ցուցադրությանը ներկա էին համայնքի ղեկավար Կառլեն Մկրտչյանը, համայնքապետարանի աշխատակիցներ, ծնողներ, հյուրեր: Պարոն Մկրտչյանը հանդես եկավ ողջույնի խոսքով` շնորհակալության խոսքեր ուղղելով դպրոցի ուսուցչական կազմին և սաներին: Այնուհետև դպրոցի տնօրեն Աննա Հովհաննիսյանի հետ 15 շրջանավարտներին հանձնեց ավարտական վկայականներ, իսկ ուսուցիչներին` պատվոգրեր: Ներկաներին իր օրհնությունը բերեց Արտաշատի սուրբ Հովհաննես Ավետարանիչ եկեղեցու ... Մանրամասն

27.06.22 ՄԱՐԶԱԿԱՆ ԱՐՏԱՇԱՏ

Օրը սկսում ենք լավ լուրով:

Վանաձորի սպորտային պալատում 2006-2008թթ. ծնված պատանիների միջև կայացած Հայաստանի ձյուդոյի ֆեդերացիայի գավաթի առաջնությանը Արտաշատ համայնքի Լանջազատ բնակավայրի մարզադպրոցի սան Ռոբերտ Հակոբջանյանը փայլուն է հանդես եկել` նվաճելով չեմպիոնի կոչումը:

Շնորհավորում ենք Ռոբերտին և նրա մարզիչ Վարդան Խուգեյանին` մաղթում նոր հաջողություններ ու հաղթանակներ:

21.06.22 ԱՐԱՔՍԱՎԱՆ ԲՆԱԿԱՎԱՅՐՈՒՄ ՆՈՐ ՊՈՄՊԱԿԱՅԱՆ Է ԳՈՐԾՈՒՄ

Արտաշատ համայնքի Արաքսավան բնակավայրում նոր պոմպակայանի աշխատանքների մեկնարկը տրվեց։ Ներկա էին Արարատի մարզպետ Սեդրակ Թևոնյանը, Արտաշատի համայնքապետ Կառլեն Մկրտչյանը, Հայաստանում Ճապոնիայի դեսպան Ֆուկուշիմա Մասանորին, «Եվրասիա» ՀԿ-ի գլխավոր տնօրեն Լիանա Եսայանը, պաշտոնատար այլ անձինք: Պոմպակայանը Արաքսավան-Հովտաշեն սահմանային մասում է: 500 մ երկարությամբ խողովակաշարն անցնելու է դրենաժով` ոռոգելով անջրդի հողերը: Այստեղ բնակիչների մի մասը գրեթե 30 տարի չի կարողացել զբաղվել հողագործությամբ, քանի որ ոռոգման ջուր չի եղել: Այժմ պոմպակայանի կառուցումով 60 հեկտար հողատարածք ոռոգելու հնարավորություն է ընձեռնվել: Ծրագիրն իրագործվել է ՀՀ կառավարության, ՀՀ-ում Ճապոնիայի դեսպանատան և «Եվրասիա» ... Մանրամասն

21.06.22 ՇՆՈՐՀԱՎՈՐԱՆՔՆԵՐ` ԲՈՒԺԱՇԽԱՏՈՂԻ ՕՐՎԱ ԱՌԹԻՎ

Արարատի մարզպետ Սեդրակ Թևոնյանը և Արտաշատի համայնքապետ Կառլեն Մկրտչյանը Բուժաշխատողի օրվա առթիվ այցելել են Արտաշատի բժշկական կենտրոն: Հանդիպմանը ներկա էր մարզպետարանի Առողջապահության և սոցիալական ապահովության վարչության պետ Սուսաննա Կտրակյանը: Մարզպետը և համայնքի ղեկավարը ԲԿ–ում հանդիպում են ունեցել կենտրոնի տնօրեն Հայկ Համբարձումյանի և աշխատակազմի հետ՝ նրանց շնորհավորելով մասնագիտական տոնի առիթով, ապա շրջել բուժհաստատությունում՝ ծանոթանալու ընթացիկ աշխատանքներին և մատուցվող բուժծառայություններին:Մարզի և համայնքի ղեկավարներն իրենց խոսքում բարձր են գնահատել բուժաշխատողների կատարած բարդ ու շնորհակալ աշխատանքը` հատկապես կորոնավիրուսային համավարակի ու պատերազմական օրերին, ընդգծել ... Մանրամասն

17.06.22 ՈՒՇԱԴՐՈՒԹՅՈՒՆ

Մարզատրամաբանական խաղերի հարգելի սիրահարներ, Արտաշատի համայնքապետարանը ձեզ համար հանդես է գալիս հետաքրքիր նախաձեռնությամբ։Համայնքում հուլիսի 2-ին և 3-ին կկայանան Շախմատի /սիրողական/ և Երկար նարդու համայնքային բաց առաջնություններ, որոնց կարող են մասնակցել 18 տարին լրացած/նարդու դեպքում/ Արտաշատ միավորված համայնքում հաշվառված կամ բնակվող անձինք։ Հաղթողներն ու մրցանակակիրները համայնքապետարանի կողմից կխրախուսվեն պատվոգրերով, գավաթով և դրամական պարգևներով։Մրցաշարերը տեղի կունենան Արտաշատի Շ․Ազնավուրի անվան մշակույթի կենտրոնի ճեմասրահում։Մասնակցության համար անհրաժեշտ է անձնագրով /իսկ այլ համայնքի հաշվառում ունեցողները՝ նաև փաստացի բնակության վայրի վերաբերյալ տեղեկանքով/ ներկայանալ Արտաշատի ... Մանրամասն

16.06.22 ԽՐԱԽՈՒՍՎԵՑԻՆ ԿԱԶՄԱԿԵՐՊՉԱԿԱՆ ԱԿՏԻՎ ԱՇԽԱՏԱՆՔՆԵՐԻ ՀԱՄԱՐ

Համայնքի ղեկավար Կառլեն Մկրտչյանն այսօր ընդունեց մայիսի 28-ին համայնքում կայացած <<Միասնության շուրջպար>> միջոցառման կազմակերպման գործում ակտիվ մասնակցություն ցուցաբերած՝ Բուրաստանի մշակույթի տան սպորտային կազմակերպիչ Մարիամ Միրզոյանին, Այգեզարդի <<Կորիզ>> երիտասարդական կենտրոն հ/կ-ի նախագահ Արփինե Խաչատրյանին և <<Նախշուն>> հայկական բրենդի հիմնադիր Հասմիկ Հովասափյանին։

Շնորհակալություն հայտնելով վերջիններիս միջոցառման կազմակերպչական աշխատանքները բարձր մակարդակով իրականացնելու համար՝ պարոն Մկրտչյանը պատվոգրեր հանձնեց նրանց և վստահություն հայտնեց, որ համագործակցության արդյունքում համայնքում նորանոր գեղեցիկ միջոցառումներ են կազմակերպվելու։

14.06.22 ԽՈՐՀՐԴԱԿՑՈՒԹՅԱՆԸ ԿԱՐԵՎՈՐՎԵԼ ԵՆ ՀԱՄԱՅՔՈՒՄ ՄԵԿՆԱՐԿԱԾ ՄԻ ՇԱՐՔ ԱՇԽԱՏԱՆՔՆԵՐԻ ՊԱՏՇԱՃ ԿԱՏԱՐՈՒՄԸ

Համայնքապետարանում կայացավ աշխատանքային խորհրդակցություն, որի ընթացքում քննարկվեցին ընթացիկ աշխատանքներին վերաբերվող մի շարք հարցեր։ Համայնքի ղեկավարը համապատասխան ստորաբաժանումների ղեկավարների հետ քննարկեց համայնքի ավագանու նիստին ներկայացվելիք նախագծերը, տվեց համապատասխան հանձնարարականներ։ Խոսվեց ճանապարհային նշանների տեղադրման, ժամանցի օբյեկտների ժամային սահմանափակումների մասին։ Համայնքում փողոցային առևտրի կանոնակարգման նպատակով կստեղծվի հանձնաժողով։ Պարոն Մկրտչյանը պատասխանատուներին մեկ անգամ ևս հորդորեց քաղաքացիներին տրվող տեղեկանքները և թույլտվությունները տրամադրել ամենասեղմ ժամկետներում։

11.06.22 ՎԱՐՉԱՊԵՏ ՆԻԿՈԼ ՓԱՇԻՆՅԱՆՆ ԱՇԽԱՏԱՆՔԱՅԻՆ ԱՅՑՈՎ ԱՐԱՐԱՏԻ ՄԱՐԶՈՒՄ ԷՐ

Կառավարության ղեկավարին ուղեկցել են փոխվարչապետ Համբարձում Մաթևոսյանը, Տարածքային կառավարման և ենթակառուցվածքների նախարար Գնել Սանոսյանը, Էկոնոմիկայի նախարարի տեղակալ Արման Խոջոյանը, Քաղաքաշինության կոմիտեի նախագահ Արմեն Ղուլարյանը, Արարատի մարզպետ Սեդրակ Թևոնյանը, Արտաշատ համայնքի ղեկավար Կառլեն Մկրտչյանը:Վարչապետն այցի շրջանակում ծանոթացել է մի քանի համայնքներում սուբվենցիոն ծրագրերով իրականացվող նախագծերի իրականացման ընթացքին:Նիկոլ Փաշինյանը նախ եղել է Դեղձուտ համայնքում, որտեղ «Փոքրաքանակ երեխաներով համալրված հանրակրթական դպրոցների մոդուլային շենքերի կառուցում» ծրագրով կառուցվում է մոդուլային դպրոց: Վարչապետը շրջայց է կատարել շինհրապարակում՝ ծանոթացել իրականացվող աշխատանքների ... Մանրամասն

10.06.22 ԱՐՏԱՇԱՏ ՀԱՄԱՅՆՔԻ ՂԵԿԱՎԱՐՆ ՈՒ ՖՐԱՆՍԻԱՅԻ ԴԵՍՊԱՆԸ ԿԱՐԵՎՈՐԵԼ ԵՆ ՀԱՄԱԳՈՐԾԱԿՑՈՒԹՅԱՆ ԸՆԴԼԱՅՆՈՒՄԸ

Արտաշատի համայնքապետ Կառլեն Մկրտչյանը հանդիպել է ՀՀ-ում Ֆրանսիայի Հանրապետության արտակարգ և լիազոր դեսպան Անն Լույոյի հետ: Ողջունելով դեսպանին և դեսպանության ներկայացուցիչներին Արտաշատ միավորված համայնք կատարած այցի համար՝ համայնքապետը կարևորել է երկու երկրների միջև առկա բարեկամական ամուր կապը, որի հաջողված օրինակներից է Արտաշատ-Քլամար քույր քաղաքների համագործակցությունը: Պարոն Մկրտչյանը համոզմունք է հայտնել, որ երկու քաղաքների միջև ձևավորված ջերմ հարաբերությունները կլինեն շարունակական, ինչը կնպաստի բարեկամական ու գործնական հարաբերությունների առավել ընդլայնմանը:Կողմերը խոսել են խոշորացումից հետո Արտաշատ համայնքի զարգացման հեռանկարներից, անդրադարձել գյուղատնտեսության, զբոսաշրջության, մշակույթի ... Մանրամասն

1 2 3 4 5 6 7 8 9 10 ...