Ղեկավարվելով Հայաստանի Հանրապետության քաղաքացիական օրենսգրքի 30-րդ գլխով սահմանված դրույթներով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ և 42-րդ կետերով, հիմք ընդունելով Արտաշատ համայնքի ղեկավարի պարտականությունները կատարող՝ Ս.Մկրտչյանի՝ 01.04.2025 թվականի և «Հայաստանի ազգային արխիվ» ՊՈԱԿ-ի՝ 14.04.2025 թվականի գրությունները, հաշվի առնելով համայնքի ղեկավարի առաջարկությունը, համայնքի ավագանին որոշում է.

1. 2009 թվականի հունիսի 9-ին Արտաշատ համայնքի և «Հայաստանի ազգային արխիվ» ՊՈԱԿ-ի միջև կնքված «Անշարժ գույքի անհատույց օգտագործման» պայմանագրում /այսուհետ՝ պայմանագիր/ թույլատրել կատարել հետևյալ փոփոխությունը.

1) պայմանագրի 1.2 կետը շարադրել հետևյալ խմբագրությամբ՝

«Փոխատուն Փոխառուին ժամանակավոր, անհատույց օգտագործման է հանձնում հետևյալ գույքը՝ Արտաշատ քաղաքի Օրբելի փողոցի թիվ 100 հասցեում գտնվող, թիվ 2378617 վկայականով, 0,738 հա մակերեսով բնակավայրերի հասարակական կառուցապատման հողամասից և 986,2/1259,3 քմ մակերեսով շենք-շինություններից համաձայն պայմանագրի անբաժանելի մաս հանդիսացող հատակագծի՝ 0,5132 հա մակերեսով բնակավայրերի հասարակական կառուցապատման հողամասը և 812,62/1006,73 քմ շինությունը»:

3. Համայնքի ղեկավարին՝ իրականացնել սույն որոշումից բխող գործառույթները:

4. Սույն որոշումն ուժի մեջ է մտնում հրապարակմանը հաջորդող օրվանից: