Ղեկավարվելով Հայաստանի Հանրապետության հողային օրենսգրքի 67-րդ հոդվածով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, 35-րդ հոդվածի 1-ին մասի 18-րդ կետով և «Հրապարակային սակարկությունների մասին» օրենքով, «Նորմատիվ իրավական ակտերի մասին» օրենքի 39-րդ հոդվածով և հիմք ընդունելով «Գույքի գնահատման և աճուրդի կենտրոն» ՊՈԱԿ-ի 02/09/2025թ․ Ե-186 գրությամբ ներկայացված  գնահատման հաշվետվությունը՝ համայնքի ավագանին որոշում է․

1.Աճուրդային եղանակով օտարել ՀՀ Արարատի մարզի Արտաշատ համայնքի սեփականություն հանդիսացող, Արտաշատ համայնքի Արտաշատ քաղաքի Ս․ Հակոբյան փողոց 156 հասցեում գտնվող հողամասը՝

լոտ 1- ՀՀ Արարատի մարզի Արտաշատ համայնքի Արտաշատ քաղաքի Ս․ Հակոբյան փողոց 156 հասցեում գտնվող՝ 03-001-0200-0044 կադաստրային ծածկագրով, 0․44 հա մակերեսով բնակավայրերի խառը կառուցապատման հողամաս:

2․Հողամասի օտարման մեկնարկային գին սահմանել՝ 310 957 000 /երեք հարյուր տասը միլիոն իննը հարյուր հիսունյոթ հազար / ՀՀ դրամ:

3․Առաջին աճուրդի ժամանակ չվաճառված գույքի վաճառքի նպատակով կազմակերպել նոր աճուրդներ՝ յուրաքանչյուր հերթական աճուրդի ժամանակ գույքի վաճառքի մեկնարկային գինը նվազեցնելով վերջին աճուրդի մեկնարկային գնի 15 տոկոսի չափով, բայց ոչ պակաս քան գույքի գնահատված շուկայական արժեքի  50 տոկոսը: Գույքի կադաստրային արժեքը գնահատված արժեքի 50 տոկոսից բարձրանալու դեպքում՝ պետք է լինի ոչ պակաս, քան գույքի կադաստրային արժեքի 100 տոկոսը։ 

4․ Սահմանել, որ հողամասի աճուրդի մասնակից չլինելու հիմքով չկայանալու դեպքում «Նորմատիվ իրավական ակտերի մասին» օրենքի 39-րդ հոդվածի ուժով ենթակա են կիրառման «Հրապարակային սակարկությունների մասին» օրենքի 15-րդ հոդվածի դրույթները։

5.Աճուրդն անցկացնել բաց դասական եղանակով:

6.Օտարումը կազմակերպել մեկ տարվա ընթացքում։

7.Սույն որոշումն ուժի մեջ է մտնում հրապարակմանը հաջորդող օրվանից: