Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով և հիմք ընդունելով Հայաստանի Հանրապետության կառավարության 2021 թվականի ապրիլի 29-ի՝ «Կադաստրային քարտեզում հայտնաբերված սխալների ուղղման կարգը սահմանելու մասին» N 698-Ն որոշման 39-րդ կետի 1-ին ենթակետը՝ համայնքի ավագանին որոշում է.

1. Քարտեզագրման սխալի հետևանքով որպես քաղաքացիների սեփականություն փոխանցված՝ Արտաշատ համայնքի Դիմիտրով գյուղում գտնվող 03-038-0001-0012 կադաստարային ծածկագրով 0,1934հա մակերեսով և 03-038-0001-0011 կադաստրային ծածկագրով 0,2119հա մակերեսով բնակավայրերի բնակելի կառուցապատման հողամասերի սեփականության սուբյեկտի սխալն ուղղել որպես Արտաշատ համայնքի սեփականություն՝ համաձայն համապատասխան որակավորում ունեցող մասնագետի կողմից կազմված և համայնքի ղեկավարի կողմից հաստատված հատակագծի տվյալների։

2. Կատարել համապատասխան փոփոխություն համայնքի հողային հաշվեկշռում։

3. Որոշումն ուժի մեջ է մտնում հրապարակմանը հաջորդող օրվանից: