Ղեկավարվելով Հայաստանի Հանրապետության հողային օրենսգրքի 3-րդ հոդվածով, 7-րդ հոդվածի 9-րդ և 15-րդ մասերով, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, 35-րդ հոդվածի 1-ին մասի 17-րդ կետով և ուսումնասիրելով Թ․ Սլոյանի 26/08/2024 թվականի ՃՀԱ/243/1737-24 հայտը՝ համայնքի ավագանին որոշում է․ 1․Հայաստանի Հանրապետության Արարատի մարզի Արտաշատ համայնքի Լանջազատ գյուղում գտնվող, Թենգիս Թեջիրի Սլոյանին սեփականության իրավունքով պատկանող 03-045-0114-0017 կադաստրային ծածկագրով, 0,4հա մակերեսով գյուղատնտեսական նշանակության վարելահող հողամասի 0,154454հա մակերեսով հատվածի նպատակային և գործառնական նշանակությունը փոփոխել որպես արդյունաբերության, ընդերքօգտագործման և այլ արտադրական նշանակության գյուղատնտեսական արտադրական օբյեկտների հողամասի՝ անասնագոմ և պահակատուն կառուցելու նպատակով։
2․Կատարել համապատասխան փոփոխություններ համայնքի հողային հաշվեկշռում:
3. Որոշումն ուժի մեջ է մտնում հրապարակմանը հաջորդող օրվանից։ |