Զեկ. ՌՈՒԲԵՆ ԱՎԵՏԻՍՅԱՆ

Ղեկավարվելով «Աղբահանության և սանիտարական մաքրման մասին» օրենքի 6-րդ հոդվածի 3-րդ կետով, «Նորմատիվ իրավական ակտերի» մասին օրենքի 37-րդ հոդվածով, «Տեղական ինքնակառավարման մասին» օրենքի 102-րդ հոդվածով և հաշվի առնելով Արտաշատ համայնքի զոհված և վիրավորում ստացած զինծառայողների անգնահատելի ներդրումը մեր երկրի խաղաղության ապահովման գործում՝ համայնքի ավագանին որոշում է․

1․Հայաստանի Հանրապետության պաշտպանության մարտական գործողությունների ընթացքում զոհված կամ ծառայողական  պարտականությունները կատարելիս անհայտ կորած կամ անհայտ բացակայող կամ մահացած ճանաչված անձանց ընտանիքներին ազատել աղբահանության վճարից։

2.Հայաստանի Հանրապետության պաշտպանության  մարտական գործողությունների ընթացքում հաշմանդամության զինվորական կենսաթոշակ ստացող նախկին զինծառայողների ընտանիքներին աղբահանության վճարների մասով տալ 50 տոկոս զեղչով  վճարելու իրավունք։

3. Ուժը կորցրած ճանաչել համայնքի ավագանու 2020 թվականի դեկտեմբերի 22-ի թիվ 107-Ա որոշումը։

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։