Գլխավոր էջ

11.03.25 ԱՅՑԵԼՈՒԹՅՈՒՆ՝ ԱՐՏԱՇԱՏԻ ՎԵՐԱԿԱՌՈՒՑՎՈՂ ԱՎԱԳ ԴՊՐՈՑ

Արարատի մարզպետ Սեդրակ Թևոնյանը և Արտաշատ համայնքի ղեկավար Կառլեն Մկրտչյանը մարտի 10–ին այցելել են Արտաշատի վերակառուցվող ավագ դպրոց, ծանոթացել շինարարական աշխատանքների ընթացքին։

462 տեղ հզորությամբ դպրոցը վերակառուցվում է Կառավարության միջոցներով։ Ծրագրի արժեքը 1 մլրդ 238 մլն դրամ է: Շինարարական աշխատանքները սկսվել են 2023 թվականին։

Մարզպետն ու համայնքի ղեկավարը շրջել են դպրոցի մասնաշենքերում, արձանագրել առկա բացթողումները և հորդորել շինարարությունն իրականացնել նորմերին համապատասխան և պահպանել շինարարական տեմպերը՝ ըստ ծրագրվածի։

Կրթօջախը նախատեսվում է շահագործման հանձնել տերավերջին։ Վերակառուցումից հետո դպրոցը կհամալրվի նաև ամբողջությամբ նոր գույքով։

https://www.facebook.com/share/r/16BEjbyqf6/

11.03.25 ԱՐՏԱՇԱՏՑԻ ԸՄԲԻՇԸ՝ ԵՎՐՈՊԱՅԻ ՉԵՄՊԻՈՆ

Ալբանիայի մայրաքաղաք Տիրանայում ընթացող ըմբշամարտի Եվրոպայի Մ23 առաջնությանը Արտաշատի Ռ․ Գոլեցյանի անվան մարզադպրոցի սան, 61 կգ քաշային ազատ ոճային Լևիկ Միքայելյանը 2։1 հաշվով հաղթել է ադրբեջանցի մարզիկին և հռչակվել Եվրոպայի Մ23 չեմպիոն։
Մինչ եզրափակիչ հասնելը Միքայելյանը պայքարից դուրս էր թողել գերմանացի, իտալացի և ուկրաինացի մարզիկներին։
Շնորհավորում ենք մեր մարզիկին, նրա մարզիչին և մաղթում նոր հաղթանակներ։

10.03.25 ՀԱՄԱՅՆՔՈՒՄ ԿԱՆԱՆՑ ՄՒՋԱԶԳԱՅԻՆ ՕՐԸ ՆՇՎԵՑ ՏՈՆԱԿԱՆ ՀԱՄԵՐԳՈՎ

Գարնան ամենագեղեցիկ տոնի՝ Մարտի 8-ի առթիվ Արտաշատի համայնքապետ Կառլեն Մկրտչյանի նախաձեռնությամբ համայնքում գեղեցիկ միջոցառում էր կազմակերպվել` զոհված ազատամարտիկների, անմահացած կամ վիրավորում ստացած զինծառայողների մայրերի և կանանց, կրթական և առողջապահական հաստատությունների, համայնքապետարանի, համայնքային ենթակայության կազմակերպությունների, գյուղական բնակավայրերի աշխատակազմերի գեղեցիկ սեռի ներկայացուցիչների համար: Արտաշատի Ամո Խարազյանի անվան պետթատրոնի մուտքի մոտ նրանց ընդունեցին ծաղիկներով և ժպիտներով։Միջոցառմանը ներկա էին Արարատի մարզպետ Սեդրակ Թևոնյանը, Արտաշատի համայնքապետ Կառլեն Մկրտչյանը` իրենց տիկնանց հետ։ Համայնքի ղեկավար Կառլեն Մկրտչյանը ջերմորեն շնորհավորեց բոլորին տոնական ... Մանրամասն

10.03.25 ԷԿԵՆՈՄԻԿԱՅԻ ՆԱԽԱՐԱՐՆ ԱՅՑԵԼԵԼ Է ՀԱՄԱՅՆՔԻ ՏԱՐԱԾՔՈՒՄ ԳՏՆՎՈՂ ԽԱՂՈՂԻ ԻՆՏԵՆՍԻՎ ԱՅԳԻ

ՀՀ Էկոնոմիկայի նախարար Գևորգ Պապոյանը մարտի 8-ին այցելել է Արտաշատ համայնքի Նարեկ և Քաղցրաշեն բնակավայրերի տարածքում գտնվող, կաթիլային ոռոգմամբ մշակվող , Նուրինջանյան խաղողի ինտենսիվ այգի։Նախարարին ուղեկցել են Արտաշատ և Վեդի համայնքների ղեկավարներ Կառլեն Մկրտչյանն ու Գարիկ Սարգսյանը։ Տարածքն ընդհանուր առմամբ հասնում է 100 հա-ի, որից շուրջ 41 հա-ը կառուցվել է պետության կողմից իրականացվող ինտենսիվ այգեգործության զարգացման ծրագրով, որով շահառուն ձեռք է բերել 280 մլն դրամը գերազանցող վարկ և ստացել շուրջ 144 մլն դրամի սուբսիդավորում։ Խաղողից բացի պլանավորվում է 15 հա նռան ինտենսիվ այգի հիմնել։ Տարածքում կատարված ներդրման ընդհանուր չափը հասնում է 3 միլիոն դոլարի։ Առաջիկայում ներդրումների ... Մանրամասն

09.03.25 ՄԱՐՏԻՈՒԹՅԱՆ ԱՆԱԿՆԿԱԼՆԵՐ

Կանանց միջազգային օրը՝ Մարտի 8–ը, Արտաշատում այս տարի ևս գեղեցիկ ու յուրահատուկ ձևով նշվեց։ Արտաշատն այդ օրը գարնանային ու արևոտ տրամադրությամբ, ջերմ ժպիտներով և պայծառ գույներով էր լեցուն։

Համայնքի ղեկավար Կառլեն Մկրտչյանը ծաղիկներ է նվիրել անցորդ կանանց և աղջիկներին՝ նրանց օրն իսկապես տոնի վերածելով։

Տոնի նախաշեմին բարձր տրամադրություն էր տիրում համայնքապետարանում։

Աշխատակից կանայք և աղջիկները համայնքի ղեկավարի կողմից ստացան սրտաբուխ շնորհավորանքներ և գարնանաբույր ծաղիկներ։

Տոնական տրամադրությունն ու անկեղծ ժպիտներն օրն առավել ջերմ ու հիշարժան դարձրեցին։

https://www.facebook.com/share/r/12EsCEBhhTL/

https://www.facebook.com/share/r/1FK3NwsEsC/

08.03.25 ԱՐՏԱՇԱՏ ՀԱՄԱՅՆՔԻ ՂԵԿԱՎԱՐ ԿԱՌԼԵՆ ՄԿՐՏՉՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ` ՄԱՐՏԻ 8-Ի` ԿԱՆԱՆՑ ՄԻՋԱԶԳԱՅԻՆ ՕՐՎԱ ԱՌԹԻՎ

Սիրելի՛ կանայք, մայրեր, քույրեր, դուստրեր, այսօր գարնանային ամենագեղեցիկ ու հիասքանչ տոնն է՝ Կանանց միջազգային օրը, ինչի առթիվ ջերմորեն շնորհավորում եմ բոլորիդ, մաղթում արևոտ ու վառ տրամադրություն։ Գարնանամուտի այս սիրված ու սպասված տոնը լավ առիթ է ընդգծելու կնոջ առաքելությունը ինչպես ընտանիքում, այնպես էլ աշխատանքային գործունեության մեջ։ Հայ կինը մշտապես եղել է ընտանիքի ամուր հիմնասյունը, ինչպես նաև կարևոր դերակատարություն է ունեցել մեր անկախ պետականության կերտման գործում, ամենատարբեր ու պատասխանատու բնագավառներում, սերունդներ կրթելու և դաստիարակելու պատվավոր գործընթացում: Իսկ հարկ եղած դեպքում նաև զենք է վերցրել ու պաշտպանել հայրենի հողը։ Խոնարհումս և երախտիքս բոլոր հերոսածին ... Մանրամասն

07.03.25 ՀԱՄԱՅՆՔԻ ՂԵԿԱՎԱՐՆ ԸՆԴՈՒՆԵԼ ԵՎ ՇՆՈՐՀԱՎՈՐԵԼ է ԱՆՄԱՀԱՑԱԾ ԵՎ ԱՆՀԵՏ ԿՈՐԱԾ ԶԻՆԾԱՌԱՅՈՂՆԵՐԻ ԿԱՆԱՆՑ ԵՎ ՄԱՅՐԵՐԻՆ

Գարնան ամենսպասված տոնի` Մարտի 8-ի, առթիվ համայնքապետարանում ձևավորված գեղեցիկ ավանդույթը անխախտ է՝ համայնքի ղեկավար Կառլեն Մկրտչյանն ընդունեց և շնորհավորեց Արտաշատ համայնքի` պատերազմներում անմահացած հերոսների, անհետ կորած զինծառայողների մայրերի և կանանց: Հանդիպման հատուկ հյուրերը փոքրիկ Լիլիթն ու Արսենն էին` 44 –օրյա պատերազմում անմահացած Գևորգ Բաբաջանյանի քույրը և Համլետ Հովհաննիսյանի եղբայրը։ Ջերմորեն շնորհավորելով կանանց՝ պարոն Մկրտչյանը վերջիններիս քաջառողջություն և գարնանային բերկրանք մաղթեց: «Ես լավ եմ պատկերացնում այն խորը վիշտը, որ կրում եք ձեր ներսում և ուզում եմ իմ որդիական ջերմությունը փոխանցել ձեզ։ Մաղթում եմ, որ միշտ ժպտաք, ապրեք խաղաղ երկնքի տակ, թող ... Մանրամասն

06.03.25 ՄԱՐՏԻ 5–Ը ՍՊԱՐԱՊԵՏ ՎԱԶԳԵՆ ՍԱՐԳՍՅԱՆԻ ԾՆՆԴՅԱՆ ՕՐՆ Է

Սպարապետ Վազգեն Սարգսյանի ծննդյան 66–ամյակի առիթով Արարատի մարզպետ Սեդրակ Թևոնյանը, Արտաշատ համայնքի ղեկավար Կառլեն Մկրտչյանը, համայնքների ղեկավարներ, մարզի ուժային կառույցների ղեկավարներ այցելել են Սպարապետի տուն–թանգարան և նրա անունը կրող զորամաս։

Ներկաները նախ ծաղիկներ են խոնարհել Սպարապետի կիսանդրու առջև, այնուհետ մասնակցել նրան նվիրված գեղարվեստական միջոցառմանը։

Սպարապետի ծննդյան օրվան նվիրված միջոցառումներ են կազմակերպվել համայնքի Դալար բնակավայրի հանրակրթական և Վերին Արտաշատ բնակավայրի արվեստի դպրոցներում։

Ներկայացվել է Վազգեն Սարգսյանի կյանքն ու գործունեությունը, հնչել նրա արդիական ու չխամրող մտքերը։

06.03.25 ՈՒՇԱԴՐՈՒԹՅՈՒՆ

Դաշտերի և այգիների խոտի այրման վնասները և դրա կանխարգելման կարևորությունըՀարգելի՛ քաղաքացիներ Տարիներ շարունակ մեզանում ընդունված է այրել դաշտերի և այգիների խոտը, որն ունի բացասական մի շարք հետևանքներ։ Թեև այս գործողությունը երբեմն ընկալվում է որպես հողի մաքրության միջոց, իրականում այն ունի խիստ բացասական հետևանքներ, որոնք կործանարար են թե՛ հողի, թե՛ բնության, թե՛ մարդկանց համար։Ինչպես է խոտի այրումը ազդում հողի վրա 1. Բերրիության կորուստԽոտի այրման ընթացքում հողի վերին շերտում գտնվող օրգանական նյութերը ոչնչանում են։ Այս նյութերը հանդիսանում են հիմնական պարարտանյութ, որոնք ապահովում են հողի բերրիությունը։ Օրգանական նյութերի կորուստը երկարաժամկետ վնաս է հասցնում հողի բնական վերականգնման ... Մանրամասն

05.03.25 ԻՐԱԶԵԿՈՒՄ

ՀՀ ճանապարհային դեպարտամենտը տեղեկացնում է, որ Հ-8, /Մ-2/-Այնթապ-Մխչյան-Արտաշատ-Այգավան-Արարատի տրանսպորտային հանգույց հանրապետական նշանակության ավտոճանապարհի և Արտաշատ-Մասիս վազուրդի «Մխչյան» երկաթուղային գծանցի հատման տեղամասում մարտի 5-ին՝ ժամը 10:00-ից 14։00-ի սահմաններում, կատարվելու են երկաթուղային գծանցի ծածկույթի նորոգման աշխատանքներ, ինչով պայմանավորված էլ տրանսպորտային միջոցների համար փակ է լինելու նշված հատվածով երթևեկությունը։

Վարորդներին առաջարկվում է նշված հատվածը շրջանցել Մ-2, Երևան-Երասխ-Նորավան-Տաթև-Կապան-Մեղրի-ՀՀ սահման միջպետական ավտոճանապարհով։