Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, «Գնումների մասին» օրենքի 23-րդ հոդվածի 1-ին մասի 2-րդ կետով, «Նորմատիվ իրավական ակտերի մասին» օրենքի 33-րդ և 34-րդ հոդվածներով, հիմք ընդունելով 2024 թվականի օգոստոսի 08-ի «ՎԻ ԻՔՍ ՍՈՖԹ» ՍՊԸ-ի թիվ VX-169/24 գրությունը և հաշվի առնելով, որ «Ի-Քըմյունիթի» (E-Community) համակարգի հեղինակային բացառիկ իրավունքը պատկանում է «ՎԻ ԻՔՍ ՍՈՖԹ» ՍՊԸ-ին՝ Արտաշատ համայնքի ավագանին որոշում է.

1. Համայնքների եկամուտների կառավարման միասնական համակարգի ծրագրային սպասարկման գնման ընթացակարգն իրականացնել Հայաստանի Հանրապետության կառավարության 2017 թվականի մայիսի 04-ի թիվ N 526-Ն որոշման 23-րդ կետի 4-րդ ենթակետի աղյուսակի 15-րդ կետի պահանջներին համապատասխան՝ ամսական 1,062,000 (մեկ միլիոն վաթսուներկու հազար) ՀՀ դրամ, տարեկան 12,744,000 (տասներկու միլիոն յոթ հարյուր քառասունչորս հազար) ՀՀ դրամ սահմանված սակագնով:

2. Ուժը կորցրած ճանաչել Արտաշատ համայնքի ավագանու 2023 թվականի մարտի 09-ի ««Ի-Քըմյունիթի» (E-COMMUNITY) – համայնքների եկամուտների կառավարման էլեկտրոնային համակարգի տեխնիկական սպասարկման ծառայության գնման մասին» N 51-Ա որոշումը։

3. Համայնքի ղեկավարին՝ ՀՀ օրենսդրությամբ սահմանված կարգով իրականացնել սույն որոշումից բխող գործառույթները։

4. Սույն որոշումն ուժի մեջ է մտնում հրապարակմանը հաջորդող օրվանից և տարածվում է 2025 թվականի հունվարի 1-ից ծագած իրավահարաբերությունների վրա: