Գլխավոր էջ

30.04.24 ՈՌՈԳՄԱՆ ՀԱՄԱԿԱՐԳԵՐ ԵՆ ԿԱՌՈՒՑՎՈՒՄ ԴՎԻՆ ԵՎ ԼԱՆԱՋԱԶԱՏ ԲՆԱԿԱՎԱՅՐԵՐՈՒՄ

ՀՀ համայնքների ենթակառուցվածքների զարգացմանն ուղղված 2023 թվականի սուբվենցիոն ծրագրի շրջանակում` Արտաշատ համայնքի Դվին բնակավայրում մեկնարկել են ոռոգման համակարգի կառուցման աշխատանքները: Կառուցվում է 1,2 կմ երկարությամբ երկաթբետոնյա կիսախողովակներով ոռոգման ցանց:

Աշխատանքներն իրականացվում են Մրգանուշ, Դիտակ, Դվին բնակավայրերի ենթածրագրի շրջանակում, որի արժեքը շուրջ 92 մլն ՀՀ դրամ է:

Համայնք-պետություն համագործակցությամբ՝ Լանջազատ բնակավայրում ակտիվ ընթանում են 2, 226 կմ երկարությամբ ոռոգման համակարգի կառուցման աշխատանքները՝ 98 մլն ՀՀ դրամ արժողությամբ:

Ծրագրերով նախատեսված աշխատանքների արժեքի 60 % -ը պետության, իսկ 40%-ը` համայնքի ներդրումն է:

29.04.24 ԱՐՏԱՇԱՏ ՀԱՄԱՅՆՔԻ ՂԵԿԱՎԱՐ ԿԱՌԼԵՆ ՄԿՐՏՉՅԱՆԸ ՇՆՈՐՀԱՎՈՐԵԼ Է ՊԱՐԻ ՄԻՋԱԶԳԱՅԻՆ ՕՐՎԱ ԱՌԹԻՎ

Ջերմորեն շնորհավորում եմ պարարվեստի բոլոր ներկայացուցիչներին, ոլորտի նվիրյալներին ու երախտավորներին՝ Պարի միջազգային օրվա առթիվ: 1982 թվականից նշվող այս տոնը նպատակ ունի պարի լեզվով միավորել ազգերին՝ հանուն խաղաղության և բարեկամության: Պարը մարդկային հոգու թռիչք է, հույզերն ու ապրումներն արտահայտելու յուրօրինակ ձև:Հայ ժողովրդի կյանքում պարարվեստը բոլոր ժամանակներում իր ուրույն տեղն է ունեցել՝ արտահայտելով հայի ոգին, մաքառելու ձգտումը, սերն առ հայրենիքն ու ազգային սովորույթները: Օրվա առթիվ ուզում եմ հատկապես շնորհավորել Արտաշատ միավորված համայնքում գործունեություն ծավալող պարային համույթների ներկայացուցիչներին և համույթներ հաճախող սաներին: Շնորհակալություն Արտաշատի մշակութային հարուստ ... Մանրամասն

29.04.24 ՀԱՄԱՅՆՔԻ ՂԵԿԱՎԱՐՆ ԸՆԴՈՒՆԵԼ ԵՎ ՇՆՈՐՀԱՎՈՐԵԼ Է ԱՐՏԱՇԱՏԸ ՊԱՏՎՈՎ ՆԵՐԿԱՅԱՑՐԱԾ ՊԱՏԱՆԻ ՇՆՈՐՀԱԼԻ ՔԱՆՈՆԱՀԱՐԻՆ

Համայնքի ղեկավար Կառլեն Մկրտչյանն այսօր ընդունեց և շնորհավորեց Արտաշատի Արևշատ բնակավայրի երաժշտական դպրոցի սան, քանոնահար Հենրիկ Գևորգյանին և նրա դասատու Կատարինե Գալստյանին: Համայնքի ղեկավարի հյուրն էին նաև ‹‹Արտ մյուզիք›› միջազգային փառատոների ասոցիացիայի գլխավոր տնօրեն Էռնեստ Պիչիկյանը, երաժշտական միջազգային մրցավար Սամվել Գալստյանը, Արևշատի երաժշտական դպրոցի տնօրեն Հերմինե Գրիգորյանը: Հենրիկն Իսպանիայի Լորետ դե մար քաղաքում կայացած ‹‹Տաղանդների մարաթոն›› արվեստի միջազգային մրցույթ-փառատոնում փայլուն է հանդես եկել և արժանացել փառատոնի ‹‹Մեծ մրցանակ›› պատվավոր տիտղոսին: Փառատոնին պատանի քանոնահարը ... Մանրամասն

28.04.24 ՀԱՆԴԻՊՈՒՄ-ՔՆՆԱՐԿՈՒՄ ՀԱՄԱՅՆՔԱՊԵՏԱՐԱՆՈՒՄ

Ապրիլի 25-ին Արտաշատի համայնքապետարանում Զարգացման ծրագրերի, տուրիզմի, առևտրի սպասարկման և գովազդի բաժնի պետ Զարեհ Հակոբջանյանը, համայնքի ղեկավարի մամուլի քարտուղար Գոհար Հովսեփյանը և ԶԾՏԱՍԳ բաժնի գլխավոր մասնագետ Նարինե Մաթևոսյանը հանդիպեցին «ԿԱՏԱՐԻՆԵ համայնք կամրջողներ» ծրագրի Արտաշատի խմբի մասնակիցներին և ծրագիրն իրականացնողն Ազգային ժողովրդավարության ինստիտուտի (ԱԺԻ/NDI) Հայաստանի գրասենյակի տնօրեն Քոեն Պուստյենսին, կանանց հզորացման ծրագրերի ղեկավար Լաուրա Սիմոնյանին և ծրագրի պատասխանատուներին։ ԱԺԻ գրասենյակը շնորհակալություն հայտնեց համայնքապետարանին ծրագրի իրականացման փուլում ցուցաբերած աջակցության համար։ԿԱՏԱՐԻՆԵ կամրջողները ներկայացրին հունվար և փետրվար ամիսներին ... Մանրամասն

27.04.24 ԱՐՏԱՇԱՏ ՀԱՄԱՅՆՔԻ ՂԵԿԱՎԱՐ ԿԱՌԼԵՆ ՄԿՐՏՉՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ` ՀՀ ՔԱՂԱՔԱՑՈՒ ՕՐՎԱ ԱՌԹԻՎ

Սիրելի հայրենակիցներ, Արտաշատ միավորված համայնքի սիրելի բնակիչներ, ջերմորեն շնորհավորում եմ բոլորիս՝ Հայաստանում այսօր նշվող Քաղաքացու օրվա առթիվ: Մեր երկրում արդեն ուրախալի իրողություն է քաղաքացիների իրավունքների գերակայությունը, նրանց ակտիվ դերակատարությունը պետության կայացման և զարգացման գործում` այսպիսով կարևորելով քաղաքացու առանցքային դերն ու նշանակությունը։ Ոգևորիչ է, որ մեր համայնքի բնակիչները ևս ակտիվ դերակատարություն ունեն համայնքի զարգացման ծրագրերի քննարկման և իրականացման գործում՝ այսկերպ նպաստելով նաև համայնքի զարգացմանն ու առաջընթացին և խթանելով մասնակցային կառավարման զարգացումն Արտաշատում: Այսօր ևս մեկ անգամ ընդգծում ենք , որ Հայաստանի Հանրապետության քաղաքացին ... Մանրամասն

27.04.24 ԱՐՏԱՇԱՏ ՀԱՄԱՅՆՔՈՒՄ ՆՇՎԵՑ ՔԱՂԱՔԱՑՈՒ ՕՐԸ

Այսօր՝ ապրիլի 27-ին, Հայաստանի Հանրապետության բոլոր մարզերում նշվում է Քաղաքացու օրը: Օրվա առթիվ Արտաշատ քաղաքային համայնքում և մի շարք գյուղական բնակավայրերում կազմակերպվել է «Հայրենիքը պետությունն է: «Սիրո՞ւմ ես հայրենիքդ՝ ուժեղացրու՛ պետությունդ» խորագրով բանախոսություններ, որոնց հաջորդել են մշակութային կարճ միջոցառումներ։ Արտաշատ համայնքի ղեկավար Կառլեն Մկրտչյանը, համայնքապետարանի մի շարք աշխատակիցների հետ, ներկա է գտնվել Արտաշատի երաժշտական դպրոցում և Շառլ Ազնավուրի անվան մշակույթի կենտրոնում կազմակերպված միջոցառումներին, ապա այցելել է Արևշատ, Մխչյան, Վերին Արտաշատ բնակավայրեր և վարչական ղեկավարների հետ մասնակցել այստեղ կազմակերպված միջոցառումներին: ԿԳՄՍ ... Մանրամասն

26.04.24 ԲԱՐԵԿԱՐԳՎԵԼ ԵՎ ԳԾԱՆՇՎԵԼ Է ՀԱՄԱՅՆՔԱՊԵՏԱՐԱՆԻ ՄԵՐՁԱԿԱ ՀՐԱՊԱՐԱԿԸ

Բարեկարգման, փոսանորոգման և մասնակի ասֆալտապատման աշխատանքներ են ընթացել համայնքապետարանի մերձակա հրապարակում։

Տարածքը բարեկարգելուց հետո իրականացվել են ճանապարհային գծանշման աշխատանքներ։

Նշվել են հոծ գծերը, երթևեկության գոտիների և տրանսպորտային միջոցների կայանման տեղերի սահմանները։

26.04.24 ՀՀ ՔԱՂԱՔԱՑՈՒ ՕՐՎԱ ԱՌԹԻՎ ԱՐՏԱՇԱՏ ՀԱՄԱՅՆՔՈՒՄ ՆԱԽԱՏԵՍՎԱԾ ՄԻՋՈՑԱՌՈՒՄՆԵՐԸ

Այս տարի Քաղաքացու օրը նշվում է ապրիլի 27-ին՝ «Հայրենիքը պետությունն է: Սիրում ես հայրենիքդ՝ ուժեղացրու պետությունդ» խորագրով:Օրվա առթիվ Արտաշատ համայնքում նախատեսված են հանդիպումներ, բանախոսություններ, նկարչական աշխատանքների ցուցադրություններ և համերգային կատարումներ` Արտաշատ քաղաքային և գյուղական բնակավայրերում:Միջոցառումները կմեկնարկեն ժամը 11:00-ից:Ներկայացնում ենք Արտաշատ համայնքում կազմակերպվող միջոցառումների օրակարգը.Արտաշատի երաժշտական դպրոցում ժամը 11:00-ին տեղի կունենա հանդիպում Հայաստանի երգի պետական թատրոնի տնօրեն Մանե Գրիգորյանի հետԱրևշատ բնակավայրի երաժշտական դպրոցում ժամը 11:00-ին տեղի կունենա հանդիպում Հայաստանի պետական ֆիլհարմոնիայի տնօրեն Արտյոմ Նախդյանի հետ14:00-ին ... Մանրամասն

26.04.24 ԴԻՏԱԿ ԲՆԱԿԱՎԱՅՐՈՒՄ ԱՍՖԱԼՏԱՊԱՏՎԵԼ ԵՆ 4 ՓՈՂՈՑՆԵՐ

Պետություն-համայնք համագործակցությամբ՝ Դիտակ բնակավայրում ավարտին են մոտեցել 2023 թվականի սուբվենցիոն ծրագրով իրականացվող ասֆալտապատման և բարեկարգման աշխատանքները:

Ասֆալտապատվում են Դիտակի 4՝ Կոմիտաս, Թումանյան, Հովհաննես Շիրազ և Սենիկ Խուրշուդյան փողոցները՝ ընդհանուր 425 գծամետր երկարությամբ:

Փողոցները բնակավայրի բուժկետ և հանրակրթական դպրոց տանող գլխավոր ճանապարհին են միանում:

Ասֆալտապատման աշխատանքներն իրականացվում են 2023 թվականի սուբվենցիոն ծրագրի՝ Կանաչուտ, Դիտակ և Նշավան բնակավայրերի ասֆալտապատման ենթածրագրով, որի շինաշխատանքների արժեքը կազմում է շուրջ 78 մլն ՀՀ դրամ:

Կառավարության կողմից համաֆինանսավորման չափը 35% է, իսկ համայնքինը՝ 65%:

25.04.24 ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅՈՒՆ

Արտաշատ համայնքի ղեկավար Կառլեն Մկրտչյանի մոտ ապրիլի 25-ին քաղաքացիների ընդունելություն է անցկացվել:

Արտաշատ քաղաքային և գյուղական բնակավայրերի մեկ տասնյակ բնակիչներ համայնքի ղեկավարին են ներկայացրել սոցիալական, քաղաքաշինության ոլորտներին առնչվող և մի շարք այլ հարցեր:

Հարցերի մի մասը ոլորտային պատասխանատուների հետ քննարկվել և լուծում է ստացել տեղում, որոշ հարցերի դեպքում հանձնարարվել է սեղմ ժամկետում և օրենքի շրջանակում գործնական քայլեր ձեռնարկել՝ բնակիչներին աջակցելու համար։

1 2 3 4 5 6 7 8 9 10 ...