Ղեկավարվելով Հայաստանի Հանրապետության հողային օրենսգրքի 67-րդ հոդվածով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ և 42-րդ կետերով, 35-րդ հոդվածի 1-ին կետի 18-րդ ենթակետով և «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքով՝ համայնքի ավագանին որոշում է.

1. Արտաշատ համայնքի Դիմիտրով գյուղում գտնվող, Արտաշատ համայնքի սեփականություն հանդիսացող 03-038-0238-0011 կադաստրային ծածկագրով 0,2505 հա մակերեսով գյուղատնտեսական նշանակության հողամասը (3-րդ կարգի բազմամյա տնկարկ՝ խաղող) օտարել աճուրդային եղանակով՝ հողամասի մեկնարկային գինը սահմանելով 1700000 (մեկ միլիոն յոթ հարյուր հազար) ՀՀ  դրամ։

2. Արտաշատ համայնքի Դիմիտրով գյուղում գտնվող, Արտաշատ համայնքի սեփականություն հանդիսացող 03-038-0238-0012 կադաստրային ծածկագրով 0,0887  հա մակերեսով գյուղատնտեսական նշանակության հողամասը (3-րդ կարգի բազմամյա տնկարկ՝ խաղող) օտարել աճուրդային եղանակով՝ օտարվող հողամասի մեկնարկային գինը սահմանելով 600000 (վեց հարյուր հազար) ՀՀ դրամ։

 3. Աճուրդն անցկացնել բաց դասական եղանակով:

 4. Հողամասերի օտարումը կազմակերպել մինչև 2023թ․-ի դեկտեմբերի 31-ը:

 5. Որոշումն ուժի մեջ է մտնում հրապարակմանը հաջորդող օրվանից: