Ղեկավարվելով ՀՀ Սահմանադրության 184-րդ հոդվածի 3-րդ մասով, ՀՀ քաղաքացիական օրենսգրքի 466-րդ հոդվածի 1-ին մասով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով և 102-րդ հոդվածով, հիմք ընդունելով Արտաշատ համայնքի ղեկավարի 2024 թվականի հունիսի 27-ի թիվ Ե-3160 գրությունը և «Ֆարմ-Մակ» ՍՊ ընկերության տնօրեն Կարապետ Մարգարյանի 2024 թվականի հուլիսի 10-ի դիմումը՝ համայնքի ավագանին որոշում է․

1. ՀՀ Արարատի մարզի Արտաշատ համայնքի Արտաշատ քաղաքի Օգոստոսի 23-ի փողոց թիվ 89ա հասցեում գտնվող 111,8 քառակուսի մետր մակերեսով հողամասի վարձակալության պայմանագրում նշված տարեկան վարձավճարը՝ 5 200 /հինգ հազար երկու հարյուր/ ՀՀ դրամ, փոփոխել՝ տարեկան վարձավճարը սահմանելով 535 000 /հինգ հարյուր երեսունհինգ հազար/ ՀՀ դրամ (տվյալ հողամասի կադաստրային արժեքի 70 տոկոսի չափով)։

2. Որոշումն ուժի մեջ է մտնում հրապարակմանը հաջորդող օրվանից։