Ղեկավարվելով Հողային օրենսգրքի 67-րդ հոդվածով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, 35-րդ հոդվածի 1-ին մասի 18-րդ կետով՝ համայնքի ավագանին որոշում է․

1. Արտաշատ համայնքի Արևշատ գյուղում գտնվող, Արտաշատ համայնքի սեփականություն հանդիսացող, 03-021-0135-0010 կադաստրային ծածկագրով, 0,42500 հա գյուղատնտեսական նշանակության հողամասը (2-րդ կարգի կորիզավոր) գյուղատնտեսական գործունեություն իրականացնելու նպատակով օտարել աճուրդային եղանակով:

2. Աճուրդային եղանակով օտարվող հողամասի վաճառքի մեկնարկային գինը սահմանել 3 050 000 (երեք միլիոն հիսուն հազար) ՀՀ դրամ։

3. Աճուրդն անցկացնել բաց դասական եղանակով:

4. Օտարումը կազմակերպել մեկ տարվա ընթացքում: 

5. Որոշումն ուժի մեջ է մտնում հրապարակմանը հաջորդող օրվանից: