Ղեկավարվելով Հայաստանի Հանրապետության «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, 35-րդ հոդվածի 1-ին մասի 18-րդ կետով, Հայաստանի Հանրապետության հողային օրենսգրքի 66-րդ հոդվածի 1-ին մասի 8-րդ կետով, Հայաստանի Հանրապետության կառավարության 2001 թվականի ապրիլի 12-ի թիվ 286 որոշմամբ սահմանված կարգի 6-րդ կետով, 2016 թվականի մայիսի 26-ի թիվ 550-Ն որոշման 1-ին կետի 3-րդ ենթակետով և ուսումնասիրելով Գ․Սարիբեկյանի 16/10/2024 թվականի թիվ Ք-14422 դիմումը՝ համայնքի ավագանին որոշում է․

1.ՀՀ Արարատի մարզի Արտաշատ համայնքի սեփականություն հանդիսացող, Արտաշատ համայնքի Արտաշատ քաղաքի Ն․ Ստեփանյան փողոց 13/1 հասցեում գտնվող՝ 03-001-0011-0049 կադաստրային ծածկագրով 0,03046հա մակերեսով բնակավայրերի բնակելի կառուցապատման հողամասն ուղղակի վաճառքի կարգով օտարել Արտաշատ համայնքի Արտաշատ քաղաքի Ստեփանյան փողոց 13 հասցեում գտնվող, 03-001-0011-0030 կադաստրային ծածկագրով բնակավայրերի բնակելի կառուցապատման հողամասի և 8,15քմ մակերեսով սանհանգույցի, 8քմ մակերեսով մառանի, 8,96քմ մակերեսով թոնրատան, 10,8քմ մակերեսով մառանի, 9,9քմ մակերեսով խոհանոցի, 115,5քմ մակերեսով բնակելի տան և 35,2քմ մակերեսով ծածկի ընդհանուր բաժնային սեփականատերեր՝ Գնել Լևիկի Սարիբեկյանին /ծնված 10/06/1967 թվականին/, Զինա Միսակի Սարիբեկյանին /ծնված 02/02/1940 թվականին/ և Վարդուհի Վաչիկի Սարիբեկյանին /ծնված 12/01/1970 թվականին/՝ հողամասն ընդլայնելու նպատակով:

2.Հողամասի վաճառքի գինը սահմանել 1 700 000 /մեկ միլիոն յոթ հարյուր հազար/ ՀՀ դրամ:

3.Օտարման գործընթացը կազմակերպել մեկ տարվա ընթացքում:

4․Որոշումն ուժի մեջ է մտնում հրապարակմանը հաջորդող օրվանից։