Հաշվի առնելով 2020 թվականի սեպտեմբերի 27-ին Ադրբեջանական Հանրապետության սանձազերծած ռազմական գործողությունների պատճառով Արցախի Հանրապետությունից Հայաստանի Հանրապետություն տեղափոխված, Արտաշատ համայնքում փաստացի բնակվող քաղաքացիների կարգավիճակը և ղեկավարվելով ,,Տեղական տուրքերի և վճարներ մասին,, Հայաստանի Հանրապետության օրենքի 16-րդ հոդվածի 1-ին և 3-րդ մասերով՝ համայնքի ավագանին ո ր ո շ ու մ է՝
- Համայնքային ենթակայության նախադպրոցական կազմակերպությունների ծառայություններից օգտվողների համար համայնքի կողմից մատուցվող ծառայությունների դիմաց զրոյական դրույքաչափի կիրառմամբ արտոնություն սահմանել՝
1) 2020 թվականի սեպտեմբերի 27-ին սկսված պատերազմական գործողությունների ընթացքում և /կամ/ դրանց հետևանքով Արցախի Հանրապետությունից Հայաստանի Հանրապետություն տեղափոխված, Արտաշատ համայնքում փաստացի բնակություն հաստատած ընտանիքների երեխաների համար։
2․ Իրավունք վերապահել համայնքի ղեկավարին համայնքի կողմից մատուցվող ծառայությունների դիմաց փոխհատուցման վճարի համար կիրառել նշված արտոնությունը՝ համայնքի ավագանու կողմից սահմանված կարգին, պայմաններին և չափորոշիչներին համապատասխան։
3․ Սույն որոշումն ուժի մեջ է մտնում 2021 թվականի հունվարի 1-ից։ |