Զեկ. ԿԱՐԵՆ ՊՈՂՈՍՅԱՆ

Ղեկավարվելով «Քաղաքաշինության մասին» օրենքի 14.3-րդ հոդվածով, «Տեղական ինքնակառավարման մասին» օրենքի 18-րդ հոդվածի 1-ին մասի 29-րդ կետով, Հայաստանի Հանրապետության կառավարության 2011 թվականի 29 դեկտեմբերի N 1920-Ն որոշմամբ, հիմք ընդունելով Հայաստանի Հանրապետության վարչապետի 2009 թվականի 22 դեկտեմբերի N 1064-Ա որոշմամբ ստեղծված Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի՝ Հայաստանի Հանրապետության Արարատի մարզի Արտաշատ համայնքի Արտաշատ քաղաքային բնակավայրը ներառող միկրոռեգիոնալ մակարդակի համակցված տարածական պլանավորման փաստաթղթի փոփոխության վերաբերյալ 2023 թվականի սեպտեմբերի 8-ի թիվ 2/փ-282 դրական եզրակացությունը և Հայաստանի Հանրապետության Արարատի մարզպետի 2023 թվականի սեպտեմբերի 12-ի թիվ 01/05482-2023 գրությունը՝ համայնքի ավագանին որոշում է․

1․Հաստատել՝Արտաշատ համայնքի Արտաշատ քաղաքի վարչական սահմաններում գտնվող պետական սեփականություն հանդիսացող 03-001-0039-0062 (համաձայն էլեկտրոնային քարտեզի՝ կադաստրային ծածկագիրն է 03-001-0039-0087) կադաստրային ծածկագրով 0.6858 հա մակերեսով հողամասից  (ըստ անշարժ գույքի նկատմամբ իրավունքի պետական գրանցման վկայականի` բնակավայրերի հասարակական կառուցապատման հողեր) 0,02139 հա մակերեսով հողամասը, քարտեզագրման սխալն ուղղելու համար, հատուկ պահպանվող տարածքների՝ հանգստի համար նախատեսված հողերի փոփոխությունը՝ դասելով բնակավայրերի նպատակային նշանակության հասարակական կառուցապատման հողերի։

2.Նշված փոփոխությունն արտացոլել համայնքի ընթացիկ քաղաքաշինական քարտեզում և Արտաշատ համայնքի Արտաշատ քաղաքի գոտևորման նախագծում:

3.Որոշումն ուժի մեջ է մտնում հրապարակմանը հաջորդող օրվանից: