Ղեկավարվելով ՀՀ Սահմանադրության 179-րդ հոդվածի 1-ին մասով, 188-րդ հոդվածով, «Տեղական ինքնակառավարման մասին» օրենքի 18-րդ հոդվածի 1-ին մասի 7-րդ և 42-րդ կետերով՝ համայնքի ավագանին որոշում է․ 

1.Տալ համաձայնություն՝ Արտաշատ համայնքի ղեկավարի կողմից համայնքի կարիքների համար համայնքապետարանի բնականոն գործունեությունը կազմակերպելու նպատակով ծառայողական ավտոմեքենա հատկացնելու փոխարեն, որպես այլընտրանքային եղանակով իրականացվող ծախսեր, տրամադրելու փոխհատուցում վառելանյութի տեսքով այն աշխատակիցներին, ովքեր համայնքի կարիքների համար շահագործում են մասնավոր ավտոմեքենաները:

2.Այլընտրանքային վառելանյութի ծախսի նորմայի հաշվարկման համար հիմք ընդունել արտադրող գործարանի կողմից տվյալ ավտոմեքենաների 100կմ վազքի համար սահմանված վառելանյութի ծախսի նորման: Անհրաժեշտության դեպքում կիրառել մինչև 10% ուղղիչ գործակիցներ:

3.Մեկ հաշվարկային միավորի համար այլընտրանքային փոխհատուցմամբ վառելանյութի ծախսի տարեկան չափաքանակ սահմանել 730լ (ծախսվող վառելանյութի ծավալը՝ 2.0 լ x 365 օր):

4.Որոշումն ուժի մեջ է մտնում հրապարակման օրվան հաջորդող օրվանից: