Արտաշատի համայնքի ղեկավարին է դիմել Երևան քաղաքի բնակչուհի Քնքուշ Մաթևոսյանը (դիմում՝ թիվ Ք-5730, 17.04.2024թ.)՝ իրեն հոգաբարձուի պարտականությունից  ազատելու մասին: Արտաշատ համայնքի ղեկավարի 2024թ.-ի մարտի 21-ի թիվ 1411-Ա որոշմամբ Ք․Մաթևոսյանը նշանակվել է Արտակ և Ժորա Արազյանների /ծնված 10.09.2009թ./ նկատմամբ հոգաբարձու։ Ք․Մաթևոսյանն ունի որոշակի ընտանեկան դժվարություններ, առողջական խնդիրներ, որոնց  պատճառով չի կարող զբաղվել երեխաների խնամքով և դաստիարակությամբ։ Ք․Մաթևոսյանը խնդրել է իրեն ազատել հոգաբարձուի պարտականություններից անչափահասներ Արտակ և Ժորա Արազյանների  նկատմամբ։

Համաձայն Հայաստանի Հանրապետության քաղաքացիական օրենսգրքի 41-րդ հոդվածի 3-րդ մասի՝ հարգելի պատճառների (հիվանդություն, գույքային դրության փոփոխություն, խնամարկյալի հետ փոխադարձ ըմբռնման բացակայություն և այլն) առկայության դեպքում խնամակալը կամ հոգաբարձուն իր խնդրանքով կարող է ազատվել պարտականությունների կատարումից:

Հիմք ընդունելով վերոգրյալը, ղեկավարվելով Հայաստանի Հանրապետության քաղաքացիական օրենսգրքի 41-րդ հոդվածի 3-րդ մասով, <<Տեղական ինքնակառավարման մասին>> օրենքի 36-րդ հոդվածի 1-ին մասի 6-րդ կետով, հիմք ընդունելով խնամակալության և հոգաբարձության հանձնաժողովի 03․05.2024թ. եզրակացությունը, և ելնելով երեխայի լավագույն շահերից՝  որոշում եմ․

1. Քնքուշ Մաթևոսյանին ազատել Արտակ և Ժորա Արազյաների /ծնված 10.09.2009թ./  նկատմամբ  հոգաբարձուի պարտականություններից:

2․Որոշումն  ուժի մեջ է մտնում դիմումատուին հանձնելու օրվան հաջորդող օրվանից: