Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, «Հայրենիքի պաշտպանության համար զոհվածների հիշատակի հավերժացման մասին» օրենքի 2-րդ գլխի 8-րդ հոդվածով և հիմք ընդունելով Արտաշատ համայնքի թիվ երկու գերեզմանատան պանթեոնում հուղարկավորված, զոհված զինվորների ծնողների կողմից 2024 թվականի սեպտեմբերի 19-ին Արտաշատի համայնքապետարան մուտքագրված թիվ Ք-13085 դիմումը՝ Արտաշատ համայնքի ավագանին որոշում է․ 1. Թույլատրել կատարելու Արտաշատ համայնքի Արտաշատ քաղաքի թիվ երկու գերեզմանատան պանթեոնում հուղարկավորված զոհված զինվորների գերեզմանաքարերի երեսպատում ջերմամշակում անցած ապակիով՝ հաշվի առնելով եղանակային պայմանների պատճառով առաջացած մաշվածության աստիճանը: 2.Որոշումն ուժի մեջ է մտնում հրապարակման օրվան հաջորդող օրվանից: |