Զեկ. ԽՈՐԵՆ ՀՈՎԱԿԻՄՅԱՆ

Ղեկավարվելով Հայաստանի Հանրապետության հողային օրենսգրքի 77-րդ հոդվածով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, «Հրապարակային սակարկությունների մասին» օրենքի 23-րդ հոդվածով և «Նորմատիվ իրավական ակտերի մասին» օրենքի 37-րդ հոդվածով համայնքի ավագանին որոշում է.

1. Հայաստանի Հանրապետության և Արտաշատ համայնքի սեփականություն հանդիսացող հողամասերը վարձակալության իրավունքով տրամադրելու նպատակով մրցույթներ կազմակերպելու համար ստեղծել մրցութային հանձնաժողով՝ հետևյալ կազմով․

Նարեկ Գալստյան-Արտաշատի համայնքապետարանի աշխատակազմի գյուղատնտեսության և բնապահպանության  բաժնի պետի ժամանակավոր պաշտոնակատար, հանձնաժողովի նախագահ,

Արսեն Եփրեմյան-աշխատակազմի կոմունալ տնտեսության, գույքի կառավարման, տրանսպորտի և համատիրությունների աշխատանքների համակարգման բաժնի պետի ժամանակավոր պաշտոնակատար,  հանձնաժողովի անդամ,

Արամայիս Բադալյան-Արտաշատի համայնքապետարանի աշխատակազմի գյուղատնտեսության և բնապահպանության բաժնի գլխավոր մասնագետ, հանձնաժողովի անդամ,

Նունե Հովհաննիսյան-Արտաշատի համայնքապետարանի աշխատակազմի իրավաբանական բաժնի գլխավոր մասնագետ, հանձնաժողովի անդամ,

Համլետ Շահնազարյան-Արտաշատ համայնքի ավագանու անդամ, հանձնաժողովի անդամ,

Հովիկ Հովակիմյան-Արտաշատ համայնքի ավագանու անդամ, հանձնաժողովի անդամ,

Խորեն Հովակիմյան-Արտաշատի համայնքապետարանի աշխատակազմի քաղաքաշինության և հողաշինության բաժնի գլխավոր մասնագետ, հանձնաժողովի անդամ։ 

2. Հանձնաժողովի կազմից աճուրդավար նշանակել Արտաշատի համայնքապետարանի աշխատակազմի գյուղատնտեսության և բնապահպանության բաժնի պետի ժամանակավոր պաշտոնակատար Նարեկ Գալստյանին։

3․ Հանձնաժողովի կազմից արձանագրող նշանակել համայնքապետարանի աշխատակազմի գյուղատնտեսության և բնապահպանության բաժնի գլխավոր մասնագետ Արամայիս Բադալյանին:

4. Ուժը կորցրած ճանաչել Արտաշատ համայնքի ավագանու 2023 թվականի ապրիլի 07-ի «Հայաստանի Հանրապետության և Արտաշատ համայնքի սեփականություն հանդիսացող հողամասերը վարձակալության իրավունքով տրամադրելու նպատակով մրցութային հանձնաժողով ստեղծելու մասին» N 65-Ա որոշումը:

5․ Սույն որոշումն ուժի մեջ է մտնում հրապարակմանը հաջորդող օրվանից։