Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, «Նորմատիվ իրավական ակտերի մասին» օրենքի 33-րդ և 34-րդ հոդվածներով, «Համայնքային ծառայության մասին» օրենքի 10-րդ հոդվածի 3-րդ մասով, հիմք ընդունելով Հայաստանի Հանրապետության Արարատի մարզպետի 2024 թվականի նոյեմբերի 11-ի N 01//06856-2024 գրությունը՝ որոշում եմ․

1․ Համայնքի ղեկավարի 2022 թվականի փետրվարի 22-ի «Հայաստանի Հանրապետության Արարատի մարզի Արտաշատի համայնքապետարանի աշխատակազմի համայնքային ծառայողների պաշտոնների անձնագրերը հաստատելու մասին» N 214-Ա որոշմամբ հաստատված՝ Արտաշատի համայնքապետարանի աշխատակազմի քարտուղարության, անձնակազմի կառավարման, տեղեկատվական տեխնոլոգիաների բաժնի պետի (ծածկագիր՝ 2․1-11) պաշտոնի անձնագրի 2․1-ին կետը լրացնել հետևյալ բովանդակությամբ 19․1-ին ենթակետով (հավելված N 1)`
«19․1) համայնքային ծառայության, համայնքային հայեցողական և համայնքային վարչական պաշտոնների հավակնող անձանց բարձրագույն կրթությունը հավաստող փաստաթղթի իսկությունը ստուգելու անհրաժեշտության դեպքում պաշտոնական հարցում է կատարում կրթության ոլորտի պետական լիազոր մարմին.»: 
2․ Սույն որոշման կատարման կազմակերպումն ու պատասխանատվությունը վերապահել Արտաշատի համայնքապետարանի աշխատակազմի քարտուղարին։
3. Սույն որոշումն ուժի մեջ է մտնում ստորագրման պահից: