Առաջարկ

Հարթակի մասին Առաջարկներ Քարտեզ ՀՏՀ Մուտք Գրանցվել

Առաջարկներ

Գտնված գրանցումների քանակը` 12

ՄԱՆԿԱԿԱՆ ԽԱՂԱՀՐԱՊԱՐԱԿ ԳԱՅԱՆԵ ՀԱԿՈԲՅԱՆ 05 օգոստոս 2025 ՆԱՐԵԿ ԲՆԱԿԱՎԱՅՐՈՒՄ ԱՌԱՋԱՐԿՎՈՂ ԾՐԱԳՐԻ ՆԿԱՐԱԳԻՐԸ Ծրագրի խնդիրները․ Նարեկ բնակավայրում բացակայում է համապատասխան պայմաններ ունեցող մանկական խաղահրապարակը, որը հնարավորություն կտա երեխաներին ու ծնողներին կազմակերպել հանգիստն ու ժամանցը անվտանգ և խթանող միջավայրում։ Անհրաժեշտ է ստեղծել ժամանակակից, բազմաֆունկցիոնալ խաղահրապարակ, որը կխթանի երեխաների ֆիզիկական, սոցիալական և մտավոր զարգացմանը։ Առաջարկվող ծրագիրը նպատակ ունի ստեղծել ապահով, բազմաֆունկցիոնալ և ներառական խաղահրապարակ, որը կբավարարի երեխաների ու ընտանիքների առօրյա կարիքները՝ նպաստելով առողջ ապրելակերպի տարածմանը և համայնքային միջավայրի բարելավմանը։

2 1384

ՄԱՆԿԱԿԱՆ ԽԱՂԱՀՐԱՊԱՐԱԿԻ ԿԱՌՈՒՑՈՒՄ

ՎԵՐԱԾՆՈՒՆԴ ՀԱԿՈԲ ԱՍԼԱՆՅԱՆ 28 հուլիս 2025 Նախագծի նպատակն է վերականգնել պատմական արժեք ունեցող հին շենքը՝ ապահովելով դրա անվտանգությունն ու հետագա օգտագործման հնարավորությունը։ Առաջիկա փուլում նախատեսվում է իրականացնել շենքի կտուրի ամբողջական վերանորոգում, մաքրել ներքին և արտաքին տարածքներն ու ապամոնտաժել այն հատվածները, որոնք քայքայված են և ենթակա չեն վերականգնման։ Սույն առաջարկի ընդունման դեպքում շենքը կբերվի «զրոյական» վիճակի՝ որպես նախապատրաստական կարևոր քայլ։ Սա թույլ կտա հաջորդ տարվա ընթացքում անցնել կապիտալ և ամբողջական վերականգնման աշխատանքներին, որոնց համար կկատարվի նոր նախագծի ներկայացում։ Հետևաբար, այս տարվա ներդրումը կարևոր նախապայման է համալիր վերանորոգման ծրագրի արդյունավետ իրականացման համար։ Նախագիծը միտված է ոչ միայն շենքի տեխնիկական վերականգնմանը, այլ նաև տարածքի մշակութային ու գործառնական կյանքի ակտիվացմանը՝ պահպանելով շենքի պատմական և ճարտարապետական առանձնահատկությունները։ Վերանորոգված շենքը ծառայելու է որպես կինոյի տուն, գրադարան և պատվավոր հյուրերի հյուրընկալման վայր՝ դառնալով համայնքի մշակութային և հանրային կյանքի առանձքային կենտրոն։

0 22

Շինարարություն

Նորաշեն բնակավաըրում սպորտ հրապարակի և խաղահրապարակի վերանորոգում ԳԱՅԱՆԵ ԳՐԻԳՈՐՅԱՆ 28 հուլիս 2025 Երիտասարդների անգործության և ժամանակի աննպատակ անցկացման ռիսկի բարձրացում, Սպորտով և առողջ ապրելակերպով զբաղվելու հնարավորությունների բացակայություն, Գյուղի սոցիալական միջավայրի պասիվացում և համայնքային ծրագրերի պակաս, Թերի օգտագործվող և վտանգ ներկայացնող տարածքի գոյություն Երիտասարդ սերնդի արժեքային դաստիարակությունՍպորտի և թիմային խաղերի միջոցով կզարգանան համագործակցության, կարգապահության, հաղթելու ձգտման և համերաշխության արժեքները, որոնք կարևոր են սերնդի կրթության և ինքնադաստիարակման գործում։ Սա կնպաստի նրանց առողջ զարգացմանը և կանխարգելիչ ազդեցություն կունենա տարբեր հիվանդությունների նկատմամբ։

1 1741

Առողջություն և բժշկություն

ՎԵՐԻՆ ԱՐՏԱՇԱՏ ՄՇԱԿՈՒՅԹԻ ՏԱՆ ՋԵՌՈՒՑՄԱՆ ԵՎ ՀՈՎԱՑՄԱՆ ՀԱՄԱԿԱՉԳԵՐԻ ՏԵՂԱԴՐՈՒՄ ՍՈՆԱ ԽԱՉԱՏՐՅԱՆ 26 հուլիս 2025 ՀՀ Արարատի Վերին Արտաշատի մշակույթի տունը հանդիսանում է բազմաֆունկցիոնալ սոցիալ-մշակութային կենտրոն քաղաքացիների համար: Մշակույթի տունը հանդիսանում է պատմամշակութային ճարտարապետական կառույց: Այն համարվում է Երևանի Օպերայի և Արամ Խաչատրյան համերգասրահի ճարտարապետական երկվորյակը: Կառուցվել է 1957թ. Ալեքսանդր Թամանյանի որդու՝ ճարտարապետ Գևորգ Թամանյանի նախագծով: Այս ճարտարապետական կոթողն ընդգրկված է Վերին Արտաշատի պատմամշակութային հուշարձանների ցանկում։ Մշակույթի տան մի մասը հատկացված է «Վերին Արտաշատի արվեստի դպրոցին»: Մշակույթի տանը կա գրադարան, արտադպրոցական խմբակներ (ոկալ, պար և այլն) Վերին Արտաշատի մշակույթի տան ընդարձակ և լուսավոր դահլիճում կազմակերպվում են տարբեր մշակութային միջոցառումներ՝ համայնքային, մարզային, համապետական, ինչպես նաև անցկացվում են սեմինարներ եվրոպական մասնագետների կողմից: Սակայն ցուրտ և շոգ եղանկները խանգարում են Վերին Արտաշատի մշակույթի տունը լիակատար օգտագործել ըստ անհրաժեշտության: Այնտեղ անխափան գործունեություն իրականացնելու համար առաջարկում եմ ջեռուցման և հովացման համակարգերի տեղադրում: Ջեռուցման և հովացման համակարգերի տեղադրման արդյունքում քաղաքացիների սոցիալ-մշակութային կյանքը կլինի էլ ավելի ակտիվ ու հագեցած: Նրանց մոտ ձևավորվի և կպահպանվի ազգային, հայրենասիրական բարձր արժեքներ: Մշակույթի տունը կդառնա բազմաթիվ մշակութային իրադարձությունների կենտրոն և կնպաստի համայնքում զբոսաշրջության զարգացմանը, հակապես, եթե մոտ ապագայում բարեկարգվի նաև մշակույթի տան գեղեցիկ բակը, ինչպես նաև շենքի արտաքին լուսավորությունը` գիշերային լուսավորության համապատասխան էֆեկտներով, այն կհանդիսանա հանգստի գոտի և զբոսավայր:

28 1616

Մշակույթ և ժառանգություն

Ուսում Ակումբ ԱՐՈՒՍՅԱԿ ԱՐՇԱԿՅԱՆ 26 հուլիս 2025 «Ուսում Ակումբ»-ը Բուրաստան բնակավայրի երիտասարդների և ուսանողների համար ստեղծվող ժամանակակից ուսումնական կենտրոն է։ Նախագիծը ձևավորված է ուսանողների կարիքների ուսումնասիրության և կրթական արդյունավետության բարձրացման նպատակով։ Այն հիմնվում է արդի կրթական մոտեցումների վրա՝ կարևորելով միջավայրը որպես ուսման և զարգացման խթան։ Ժամանակակից տեխնիկայի և հարմարավետության ներդրումը թույլ կտա ուսանողներին առավելագույն արդյունավետությամբ իրականացնել ինչպես անհատական, այնպես էլ խմբային աշխատանքներ՝ առանց արտաքին խոչընդոտների։ Ներկայումս ուսանողներին հասանելի չեն ուսման համար հարմարավետ, տեխնիկապես ապահովված և լուռ տարածքներ։ Դասասենյակներն ունեն ժամային սահմանափակում, իսկ ընդհանրական տարածքները աղմկոտ են և ոչ նպաստավոր ուսումնառության համար: Ուսանողների մեծ մասի համար համակարգչի և ինտերնետի հասանելիությունը սահմանափակ է։ Համայնքային գրադարանի տարածքը փոքր է և տեխնիկապես բավարար չէ բոլորի համար։ Երիտասարդների և աշակերտների կրթական ու ինտելեկտուալ զարգացումը խոչընդոտվում է մատչելի պայմանների բացակայությամբ։ Այս նախաձեռնությունը միաժամանակ լուծում է մի քանի հիմնարար խնդիր՝ ուսանողական կրթության որակի, տեխնիկական հասանելիության, ուսման պայմանների անհամաչափության և սոցիալական ներգրավվածության պակասի հարցերը։ Նախագիծն ակնկալում է խթանել կենտրոնացված ուսուցմանը։ Արդյունքում կստեղծվի հարմարավետ միջավայր կարդալու և քննարկումների, խմբային քննարկումների և միջոցառումների անցկացման համար։ Ինչպես նաև ձեռք կբերվի անհրաժեշտ տեխնիկա ներկայիս ուսումնական գործընթացի համար։ «ՈւսումԱկումբ» նախագիծը ծնվել է անհրաժեշտությունից՝ ստեղծելու մի միջավայր, որը կլրացնի դասարանների և գրադարանների սահմանափակ հնարավորությունները՝ ապահովելով ինքնուրույն ուսուցման, թիմային աշխատանքի, հանդիպումների և ներկայացումների համար հարմարեցված ժամանակակից տարածք։ Կենտրոնը կդառնա մի վայր, որտեղ ուսանողները ոչ միայն կկարդան և կպատրաստվեն դասերին, այլ նաև կհանդիպեն՝ քննարկելու նոր գաղափարներ, կազմակերպելու սեմինարներ, թիմային նախագծեր կամ ուսումնական միջոցառումներ։ Այսպիսով, այն կխթանի ուսանողական ինքնակազմակերպումը, ակտիվությունը, նախաձեռնողականությունն ու պատասխանատվությունը։ Ամփոփելով, կարելի է ասել, որ «ՈւսումԱկումբ» նախագիծը ոչ միայն ժամանակակից կրթական տարածքի ստեղծման ծրագիր է, այլև երկարաժամկետ ներդրում՝ ուսանողների մտավոր զարգացման, սոցիալական ներառման և կրթական հնարավորությունների հավասարեցման ուղղությամբ։ Այն կծառայի որպես արդյունավետ նախադեպ՝ ապագա նման նախաձեռնությունների համար՝ դառնալով ուսումնական համայնքի կարևոր և կենդանի մի հատված։

21 429

Կրթություն

ՎԵՐԻՆ ԱՐՏԱՇԱՏ.ԿԱՆԱՉ ԱՊԱԳԱՅԻ ՀԱՄԱՅՆՔ ԾԱՂԻԿ ԱՂԱՍՅԱՆ 25 հուլիս 2025 Այս նախագիծը ծնվել է իմ մեծ ցանկությունից՝ Վերին Արտաշատը դարձնել մաքուր, կանաչ և կենսունակ համայնք, որտեղ բնությունն ու մարդը ապրում են ներդաշնակ։ «Վերին Արտաշատ․ Կանաչ ապագայի համայնք» նախագիծը միավորված նախաձեռնություն է, որն ուղղված է համայնքի էկոլոգիական, գեղագիտական և առողջապահական հիմնախնդիրների լուծմանը։ Վերին Արտաշատ բնակավայրում վերջին տարիներին նկատվում է կանաչ տարածքների պակաս, օդի աղտոտվածության և փոշու ավելացում, ինչը ոչ միայն վատացնում է համայնքի արտաքին տեսքը, այլև վնասում է բնակիչների առողջությանը։ Նախագիծը նպատակ ունի կանաչապատման, բնապահպանական միջոցառումների և բնակիչների ներգրավվածության միջոցով վերափոխել Վերին Արտաշատ բնակավայրի տեսքն ու միջավայրը, ստեղծելով մաքուր, գրավիչ և առողջ տարածք։ Քանի որ կենտրոնական փողոցների մայթերը ասֆալտապատ են, առաջարկում եմ ծաղկամանային կանաչապատում՝ այսինքն տեղադրել գեղեցիկ և ծաղկամաններ՝ ծառերի և ծաղիկների համար։ Ծառերի, թփերի և ծաղկային գոտիների տնկումը կնվազեցնեն փոշին և կբարձրացնեն օդի մաքրությունը։ Այս ծրագրի կարևոր մասը նաև հասարակության իրազեկումն ու կրթությունն է, բնակիչներին և դպրոցականներին կծանոթացվի բնապահպանական մշակույթի, շրջակա միջավայրի պահպանության և համայնքային համախմբվածության գաղափարներին։ Ակնկալվում է, որ նախագծի իրականացումը կհանգեցնի ՝ /Կանաչ գոտիների մեծացման և համայնքի գեղագիտական պատկերի բարելավման։ /Օդի մաքրման և առողջ միջավայրի ստեղծմանը։ /Բնակիչների և դպրոցականների ակտիվ ներգրավմանը, ինչը կհզորացնի համայնքի միասնականությունը։ Այս նախագիծը ոչ միայն ծառերի և ծաղիկների տնկում է, այլ համայնքի բնության հանդեպ սիրո և հոգատարության խորհրդանիշ, որը կապահովի ապագայի կայուն զարգացումը։ Կցանկանայի, որ նախագծի շրջանակում ուշադրություն դարձվի նաև հետևյալ կետերին՝ /Ցուցանակի տեղադրում, որտեղ ավելի գեղեցիկ գրված կլինի համայնքի անվանումը։ /Առաջարկում եմ , որպեսզի կանաչապատվի Վերին Արտաշատ բնակավայրի սկզբնամասից մինչև դպրոց, կենտրոնական փողոցով դեպի մշակույթի տուն, և Վերին Արտաշատ բնակավայրի դպրոցից դեպի համայնքի կենտրոն ճանապարհները։/ Դրոշների տեղադրում, տեղադրել Հայաստանի և համայնքի դրոշները, ինչը կզարդարի և կբարձրացնի ազգային ոգին։ Հուսով եմ, որ Ձեր աջակցությամբ կկարողանանք Վերին Արտաշատ բնակավայրը դարձնել ավելի կանաչ, մաքուր և գրավիչ համայնք։

21 1607

Կանաչ համայնք և բարեկարգում

ԼԱՆՋԱԶԱՏ ԳՅՈՒՂՈՒՄ ԲԱՑՕԹՅԱ ՄԱՐԶԱՀՐԱՊԱՐԱԿԻ և ՀԱՆՐԱՅԻՆ ԶՈՒԳԱՐԱՆԻ ԿԱՌՈՒՑՈՒՄ: ՆԱՐԵ ԹԱԴԵՎՈՍՅԱՆ 25 հուլիս 2025 Լանջազատ գյուղում բացօթյա մարզահրապարակի և հանրային զուգարանի կառուցում: Նկարագրություն․ Նախագիծը նպատակ ունի Լանջազատ գյուղում կառուցել բազմաֆունկցիոնալ բացօթյա մարզահրապարակ և կից հանրային զուգարան՝ առողջ ապրելակերպի, հիգիենայի և համայնքային հարմարավետության նպատակով։ Գյուղում գործում է սպորտ դպրոց, սակայն բացօթյա մարզահրապարակների բացակայությունը սահմանափակում է սպորտային ակտիվության տարածումն ու շարունակականությունը: Գյուղի կենտրոնում են գտնվում Արտաշատ–Լանջազատ երթուղու վերջին կանգառը, մշակույթի տունը՝ որտեղ տեղակայված է նաև վարչական ղեկավարի նստավայրը, առաջնային առողջության պահպանման կենտրոնը և գրադարանը և այստեղ բացակայում է հանրային զուգարանը։ Երիտասարդների և երեխաների համար բաց տարածքներում ֆիզիկական ակտիվության հնարավորություններ գրեթե չկան։ Բնակիչների համար ստեղծված չէ առողջ ապրելակերպը խթանող հանրային միջավայր։ Կենսապայմանների բարելավումը և հարմարավետ հանրային տարածքների զարգացումը կնպաստի բնակչության առողջ ապրելակերպի և սոցիալական մի շարք խնդիրների լուծման։ Կստեղծվի ժամանակակից մարզահրապարակ՝ հագեցած անհրաժեշտ մարզասարքերով։ Կկառուցվի հանրային զուգարան, ինչը կբարձրացնի տարածքի օգտագործման հարմարավետությունը։ Երիտասարդները և այլ բնակիչներ կունենան ակտիվ ժամանցի ու մարզվելու հնարավորություններ։ Կբարձրանա համայնքի բնակիչների առողջության մակարդակը։ Կզարգանան համայնքային նախաձեռնությունները և համախմբվածությունը։

2 75

Առողջություն և բժշկություն

ԱՅԳԵԶԱՐԴ ԳՅՈՒՂԻ ԳՅՈՒՂԱՄԻՋՅԱՆ ԱՅԳՈՒ ՏԱՐԱԾՔՈՒՄ ՄԱՆԿԱԿԱՆ ԲԱԶՄԱԲՆՈՒՅԹ ԽԱՂԱՀՐԱՊԱՐԱԿԻ ԿԱՌՈՒՑՈՒՄ ՎԱՐԴԱՆ ՊԵՏՐՈՍՅԱՆ 21 հուլիս 2025 Այգեզարդ գյուղի բնակչության անունից դիմում եմ Ձեզ խնդրանքով և առաջարկով՝ կառուցել Այգեզարդ գյուղի գյուղամիջյան այգու տարածքում մանկական բազմաբնույթ խաղահրապարակ: Ներկայումս այգում գոյություն ունեցող խաղահրապարակը գտնվում է շատ վատ վիճակում, բոլոր խաղերը ջարդված են և հնարավոր չէ հետագա օգտագործման: Բազմիցս անգամ երեխաները ընկել են և ստացել մարմնական վնասվածքներ ինչը վտանգավոր է նրանց առողջության համար: Խաղահրապարակի կառուցումը ունի մի շարք կարևոր նշանակություններ. 1. Երեխաների առողջ ապրելակերպի , հանգստի, ու ֆիզիկական զարգացումների համար: 2. Խաղահրապարակը՝ գտնվելով այգու տարածքում մոտ է դպրոցին,մանկապարտեզին և որպես անվտանգ տարածք կարող է ծառայել նաև խաղերի, շփման, ֆիզիկական զարգացման, բաց դասերի, միջոցառումների և սոցիալական հմտությունների զարգացման, ինչպես նաև երեխաների և նրանց ընտանիքների հանգստի վայր: 3. Համայնքային համախմբում՝ խաղահրապարակը կդառնա հավաքատեղի, որտեղ կզարգանա համատեղ գործելու մշակույթը: 4. Բարեկարգ տարածքը կբարձրացնի գյուղի ընդհանուր տեսքը, ներդրումների նկատմամբ հետաքրքրությունը: Հաշվի առնելով վերը նշվածը՝ առաջարկում ենք սկսել Այգեզարդի խաղահրապարակի կառուցման ծրագիրը, նախատեսելով 300քմ տարածքի նշահարում, հողային աշխատանքներ՝ հարթեցում, դրենաժային համակարգի ստեղծում, անվտանգ հատակի՝ ավազե ծածկույթի տեղադրում, խաղային գույքի ձեռք բերում և տեղադրում՝ ըստ նախագծված դասավորության,տարածքի պարսպապատում կամ ցածր ցանկապատ՝ անվտանգության ապահավման համար, խաղահրապարակի բացման միջոցառման կազմակերպում՝ համայնքի երեխաների և ծնողների մասնակցությամբ:

14 605

ՄԱՆԿԱԿԱՆ ԽԱՂԱՀՐԱՊԱՐԱԿԻ ԿԱՌՈՒՑՈՒՄ

ՔԱՂՑՐԱՇԵՆ ԳՅՈՒՂՈՒՄ ՖՈՒՏԲՈԼԻ ԴԱՇՏԻ ՎԵՐԱՆՈՐՈԳՈՒՄ ԵՎ ԲԱՐԵԿԱՐԳՈՒՄ ԳԱՅԱՆԵ ՂԱԶԱՐՅԱՆ 15 հուլիս 2025 Քաղցրաշեն գյուղի բնակչության անունից դիմում ենք Ձեզ խնդրանքով և առաջարկով՝ վերանորոգել և բարեկարգել Քաղցրաշենում գտնվող ֆուտբոլային դաշտը: Ներկայումս դաշտի վիճակը անմխիթար է՝ խաղադաշտը չունի համապատասխան ծածկույթ, ինչը վտանգավոր է մարզիկների և երեխաների առողջության համար, բացակայում են ոռոգման (իռիգացիոն) համակարգը և լուսավորությունը, հնամաշ են դարպասներն,բացակայում են աղբամաններ և անվտանգության ցանկապատ: Դաշտի նորոգումը ունի մի շարք կարևոր նշանակություններ․ 1. Երիտասարդների զբաղվածության ապահովում՝ մարզադաշտը կնպաստի երիտասարդության առողջ ապրելակերպի ձևավորմանը։ 2. Սպորտային միջոցառումների կազմակերպում՝ հնարավոր կլինի անցկացնել համայնքային խաղեր, մրցումներ, միջոցառումներ։ 3. Համայնքային համախմբում՝ մարզադաշտը կդառնա հավաքատեղի, որտեղ կզարգանա համատեղ գործելու մշակույթը։ 4. Խթան համայնքի զարգացմանը՝ բարեկարգ տարածքը կբարձրացնի գյուղի ընդհանուր տեսքը և կխթանի տուրիզմի և ներդրումների նկատմամբ հետաքրքրությունը։ Հաշվի առնելով վերը նշվածը՝ առաջարկում ենք սկսել Քաղցրաշենի ֆուտբոլային դաշտի նորոգման ծրագիրը, նախատեսելով արհեստական խոտածածկով նոր դաշտ՝ 100 մետր երկարությամբ և 50 մետր լայնությամբ, լուսավորության (ֆոնարներ) տեղադրում, երկշարք նստարանների կառուցում, ոռոգման համակարգի տեղադրում, դարպասների վերանորոգում և անվտանգության ցանկապատի կառուցում, աղբամանների տեղադրում։ Համոզված ենք, որ այս նախաձեռնությունը կգտնի Ձեր աջակցությունը համայնքի սոցիալական և մշակութային կյանքի զարգացման համար։ Խորհրդակցությամբ պատրաստ ենք հանդիպման և հետագա քննարկումների։ Հարգանքով՝ Գայանե Վարդգեսի Ղազարյան և Քաղցրաշեն գյուղի բնակիչներ

21 1736

Այլ

ՇԱՀՈՒՄՅԱՆ ԳՅՈՒՂԻ ԲԱՍԿԵՏԲՈԼԻ ՄԱՐԶԱՀՐԱՊԱՐԱԿԻ ՀԻՄՆԱԴՐՈՒՄ ՄԱՐԻԱՄ ԲԱԲԱՅԱՆ 10 հուլիս 2025 «Շահումյան գյուղի բասկետբոլի մարզահրապարակի հիմնադրում» ծրագիրն անչափ կարևոր է մեզ համար, քանի որ անմխիթար վիճակում գտնվող հողատարածքը՝ տեղակայված լինելով դպրոցամերձ տարածքում լուրջ վտանգավոր է սովորողների համար: Խոտածածկույթը շատ բարձր է և բազմիցս անյտեղ նկատվել են օձեր։ Բացի դա գյուղում բացակայում են ժամանակակից ստանդարտներով հագեցած մարզահրապարկներ, թեպետ գյուղի պատանիները և երիտասարդները մեծապես ներգրավված են սպորտային խմբակներում և բազմիցս գրանցել են տարաբնույթ հաղթանակներ։ Ամենակարևորը հրապարակը ծառայի նաև դպրոցին՝ որպես գեղեցիկ մարզահրապարակ՝ անցկացնելու ֆիզկուլտուրայի դասերը և քննությունները։ Տարածքի հիմնանորոգման և բարեկարգման միջոցով կգրանցենք հետևյալ արդյունքները․ 1․ Կամուրջ համայնքի ակտիվացման և երիտասարդության զբաղվածության միջև 2․ Մարզման միջոցառումների անցկացում (դպրոցական, մարզային, համայնքային) 3․ Առողջ ապրելակերպի խթանում 4․ Անվտանգ միջավայրի ապահովում 5․Կրթության՝ հատկապես սպորտային տեսանկյունից որակի բարելավում 6․ Կրթական, մշակութային, սոցիալական հարթակ՝ ինչպես դպրոցի, այնպես էլ համայնքի բնակիչների համար։ Ծրագրի շրջանանկներում ակնկալում ենք ունենալ հարթ, բացօթյա բասկետբոլի հրապարակ՝ ծածկված որակյալ ասֆալտով։ Տեղակայված են երկու զամբյուղներ՝ վահանակներով և շթերով։ Նախատեսում ենք ունենալ վարժանքների գոտի՝ ձգումներ կատարելու, փայտերով ավազով լցված տարածք, որտեղ չափվելու է ցատկի հեռավորությունը։ Հատուկ շնորհակալություն Արտաշատի համայնքապետարանին մեր երազանքներն իրականություն դարձնելու հնարավորության համար։ Հուսանք՝ սույն ծրագիրը հավանության կարժանանա և մենք կունենանք մեր սպասված մարզահրապարակը, որտեղ առավոտը ձգվելու է արևի մեղմ շողերի հետ, ձգվելու է վազքուղին՝ յուրաքաքնչյուրի ուժի և կամքի հաղթահարման համար, ավազով լցված ցատկագոտին ծառայելու է որպես առաջընթացի խորհրդանիշ՝ առաջնորդելով բոլորին դեպի իրենց հաղթանակները։ Դե ինչ, ունենալու ենք մի մարզահրապարակ, որտեղ չափվելու են ոչ միայն վազքի վայրկյանները, կամ ցատկի սանտիմետրերը, այլև ուժը, տոկունությունը, համառությունն ու նվիրվածությունը։

20 1911

Կանաչ համայնք և բարեկարգում

ՖՈՒՏԲՈԼԻ ԴԱՇՏԻ ԿԱՌՈՒՑՈՒՄ ՆՇԱՎԱՆ ԲՆԱԿԱՎԱՅՐՈՒՄ Ռուզաննա Սայադյան 09 հուլիս 2025 Բնակավայրում բացակայում է մշակույթի տուն, սպորտային դաշտ կամ որևէ տարածք, որտեղ երեխաները և երիտասարդները կարողանան զարգանալ, զբաղվել սպորտով կամ մշակութային գործունեությամբ։ Այս պայմաններում բնակավայրի երեխաները լիովին զրկված են ոչ միայն ֆիզիկական, այլև սոցիալական ակտիվությունից։ Այս խնդիրը խորը ազդեցություն է թողնում երիտասարդ սերնդի զարգացման, առողջ ապրելակերպի ձևավորման և համայնքային համախմբվածության վրա։ Ֆուտբոլի դաշտի կառուցումը կստեղծի մաքուր, անվտանգ, ժամանակակից տարածք՝ երեխաների ու երիտասարդների առողջ ապրելակերպի, դաստիարակության և գյուղական կյանքի ակտիվացման համար։ Այսպիսով, բնակավայրում կստեղծվի առաջին ֆուտբոլի դաշտը՝ որպես սպորտային և սոցիալական տարածք՝ հարմարեցված տարբեր տարիքային խմբերի երեխաների ու երիտասարդների համար: Երեխաները կստանան հնարավորություններ առողջ ապրելակերպի, թիմային աշխատանքի ու սպորտային զարգացումների համար: Դաշտը կարող է ծառայել նաև որպես հավաքների, մրցումների և համայնքային միջոցառումների կազմակերպման վայր: Սա կլինի առաջին քայլը՝ ապագայում մշակութային ու կրթական ծրագրերի հիմք ստեղծելու համար: Կբարելավվի բնակավայրի երեխաների և երիտասարդների զբաղվածության մակարդակը: Կբարձրանա բնակավայրի ընդհանուր կենսամակարդակը և ակտիվ մասնակցությունը սոցիալական կյանքին: Շատ կարևոր է, որ այս նախաձեռնությունը կդառնա նաև մշակույթի տան բացակայությունը մասամբ լրացնող միջոց։

2 44

Այլ

ԲԱԶՄԱՖՈՒՆԿՑԻՈՆԱԼ ՄԱՐԶԱԴԱՇՏ ԱՐԱՔՍԱՎԱՆՈՒՄ ԳԱՐԻԿ ՊՈՂՈՏԱՆՅԱՆ 09 հուլիս 2025 Ծրագրի խնդիրները` Արաքսավան գյուղում չկա որևէ սպորտային տարածք, որտեղ երեխաներն ու երիտասարդները կկարողանան խաղալ, մարզվել կամ պարզապես ժամանակ անցկացնել։ Գյուղը գտնվում է հեռու միջհամայնքային տրանսպորտային ուղուց, ինչի պատճառով շատ երեխաներ զրկված են համայնքային սպորտային խմբակներ հաճախելու հնարավորությունից։ Այս իրավիճակը սահմանափակում է նրանց ֆիզիկական ակտիվությունը և նվազեցնում է ներգրավվածությունն սպորտային միջոցառումներին։ Այս խնդրի արդյունավետ լուծումներից մեկը կարող է լինել բազմաֆունկցիոնալ մինի մարզադաշտի կառուցումը, որի համար Արաքսավանում առկա է կադաստրի քարտեզով և գոտիավորման սխեմայով մարզադաշտի կառուցման նպատակով հատկացված համապատասխան 0,37 հա հողատարածք: Ծրագրի ակնկալվող արդյունքները` 1.Բազմաֆունկցիոնալ մինի մարզադաշտը միաժամանակ կծառայի որպես ֆուտբոլի, բասկետբոլի և վոլեյբոլի տարածք։ 2.Այն ոչ միայն կավելացնի երեխաների և երիտասարդների զբաղվածությունը, այլև կնպաստի գյուղում առողջ ապրելակերպի մշակույթի ձևավորմանը, համայնքային համախմբվածությանը և բարեկամական փոխհարաբերությունների խորացմանը։ 3.Սա պարզապես մի նախագիծ չէ. սա ներդրում է գյուղի երիտասարդների առողջության, ինքնավստահության ու համայնքային կյանքի աշխուժացման համար։ 4.Կմեծանա համայնքի ներգրավվածությունը միջհամայնքային մարզական միջոցառումներին։ Մարզադաշտի նկարագիրը՝ առաջարկվող բազմաֆունկցիոնալ մարզադաշտը նախատեսված է տարբեր սպորտաձևերի անցկացման համար։ Դաշտի կառուցվածքը և դասավորությունը հնարավորություն են տալիս արդյունավետ օգտագործել տարածքը՝ տարբեր մարզաձևեր կազմակերպելու նպատակով։ Մարզադաշտի ամբողջ մակերեսը նախատեսվում է հատկացնել ֆուտբոլին՝ երկու հանդիպակաց կողմերում տեղադրված դարպասներով։ Դաշտը հարմարեցված կլինի ինչպես մարզումների, այնպես էլ թիմային խաղերի անցկացման համար։ Բասկետբոլի զամբյուղները կտեղադրվեն ֆուտբոլի դարպասների վերևի հատվածներին՝ հնարավորություն տալով կազմակերպել բասկետբոլի խաղեր և պարապմունքներ։ Վոլեյբոլի համար նախատեսված է դաշտի լայնությամբ տեղադրվող շարժական ցանց, որը հեշտությամբ կարելի է տեղադրել կամ հեռացնել՝ ըստ անհրաժեշտության։ Այս լուծումը թույլ է տալիս մարզադաշտն արագ հարմարեցնել տարբեր մարզաձևերի պահանջներին։ Այս դասավորությունն ապահովում է տարածքի բազմաբնույթ օգտագործումը՝ այն դարձնելով մշտապես ակտիվ և համայնքի բոլոր տարիքի անդամների համար հասանելի։ Ծրագրի իրականացման քայլերը՝ 20x40մ չափերով ֆուտբոլի դաշտի կառուցում, տարածքի նշահարում, հարթեցում, խճե շերտի իրականացում, դրենաժային համակարգի տեղադրում, կվարցային ավազով հարթեցնող շերտի իրականացում և արհեստական խոտածածկույթի փռում։ Տարածքը սահմանազատել մետաղական չժանգոտվող ցանցավոր ցանկապատով։

3 507

Առողջություն և բժշկություն