Ղեկավարվելով Հայաստանի Հանրապետության հողային օրենսգրքի 65-րդ հոդվածի 6-րդ կետով, Հայաստանի Հանրապետության քաղաքացիական օրենսգրքի 605-րդ հոդվածով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, 35-րդ հոդվածի 1-ին մասի 18-րդ կետով «Նորմատիվ իրավական ակտերի մասին» օրենքի 37-րդ հոդվածներով և հիմք ընդունելով Արարատի մարզպետի 2025 թվականի մարտի 28-ի N 01//09197-2025 գրությունը՝ համայնքի ավագանին որոշում է. 1․Արտաշատ համայնքի սեփականություն հանդիսացող, Արտաշատ համայնքի Դիմիտրով գյուղի Վ․ Մայակովսկու փողոց 43/3 հասցեում գտնվող՝ 03-038-0016-0006 կադաստրային ծածկագրով, բնակավայրերի հասարակական կառուցապատման 0,0794 հա մակերեսով հողամասը նվիրաբերել Հայաստանի Հանրապետությանը՝ առողջության առաջնային պահպանման բժշկական կենտրոն կառուցելու նպատակով։
2․Ուժը կորցրած ճանաչել Արտաշատ համայնքի ավագանու 2025 թվականի ապրիլի 16-ի «Արտաշատ համայնքի սեփականություն հանդիսացող Արտաշատ համայնքի Դիմիտրով գյուղի Մայակովսկու փողոց 43/3 հասցեում գտնվող բնակավայրերի հասարակական կառուցապատման 0,084 հա մակերեսով հողամասը Հայաստանի Հանրապետությանը նվիրաբերելու մասին» N 90-Ա որոշումը։
3.Սույն որոշումն ուժի մեջ է մտնում հրապարակմանը հաջորդող օրվանից: |