Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերով, հիմք ընդունելով Հայաստանի Հանրապետության կառավարության 2005թ. դեկտեմբերի 29-ի թիվ 2387-Ն որոշմամբ հաստատված կարգի VII գլխի պահանջները, Արտաշատ համայնքի ավագանու 2025 թվականի մայիսի 14-ի 121-Ա որոշումը և Արարատի մարզի Ջրաշեն համայնքի ավագանու 14/05/2020 թիվ 8 որոշումը, հաշվի առնելով Հայաստանի Հանրապետության կադաստրի կոմիտեի՝ հասցե տրամադրելու մասին որոշման քաղվածքը (ծածկագիր՝ 03362WYVLEKH) և ընդառաջելով Մարտիրոսյանի 23/05/2025 թվականի Ք-6633 դիմումին՝ որոշում եմ․
1․Արտաշատ համայնքի Ջրաշեն գյուղում գտնվող, Կարինե Վերդիի Մարտիրոսյանին սեփականության իրավունքով պատկանող 03-080-0164-0010 կադաստրային ծածկագրով 0,71821հա մակերեսով գյուղատնտեսական նշանակության բազմամյա տնկարկ (կորիզավոր) հողամասից ըստ կազմված հատակագծի 0,42124հա մակերեսով նպատակային և գործառնական նշանակությունը փոփոխել բնակավայրերի բնակելի կառուցապատման հողամասի և տրամադրել հասցե՝ Արտաշատ, Ջրաշեն, Երևանյան խճուղի 1 հողամաս։
2.Պարտավորեցնել Կ․Մարտիրոսյանին 0,42124 հա մակերեսով հողամասի նպատակային և գործառնական նշանակության փոփոխության համար Արտաշատի համայնքապետարանի 900415004283 հաշվեհամարին վճարել հողամասի կադաստրային արժեքների տարբերությունը, որը կազմում է 4 584 144 (չորս միլիոն հինգ հարյուր ութսունչորս հազար մեկ հարյուր քառասունչորս) ՀՀ դրամ /0,42124 հա մակերեսով բնակավայրերի բնակելի կառուցապատման հողամասի կադաստրային արժեքը կազմում է 5 143 340ՀՀ դրամ, իսկ 0,42124 հա մակերեսով գյուղատնտեսական նշանակության բազմամյա տնկարկ (կորիզավոր) հողամասի կադաստրային արժեքը կազմում է՝ 559 196 ՀՀ դրամ/։
3․Կ․Մարտիրոսյանն Արտաշատի համայնքապետարանի 900415003897 հաշվեհամարին վճարել է 5000 /հինգ հազար/ ՀՀ դրամ տեղական վճար հասցեի տրամադրման համար:
4․Սույն որոշումից ծագող իրավունքները ՀՀ օրենսդրությամբ սահմանված կարգով ենթակա են պետական գրանցման։
5.Հանձնարարել համայնքապետարանի աշխատակազմի քաղաքաշինության և հողաշինության բաժնին կատարել փոփոխություն համայնքի հողային հաշվեկշռում:
6.Որոշումն ուժի մեջ է մտնում ընդունման մասին դիմումատուին պատշաճ իրազեկելու օրվան հաջորդող օրվանից։