Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, 102-րդ հոդվածով, ՀՀ քաղաքացիական օրենսգրքի 466-րդ հոդվածի 1-ին մասով, հիմք ընդունելով Արտաշատ համայնքի ավագանու 2024 թվականի մայիսի 07-ի N 133-Ա որոշումը, հաշվի առնելով Արտաշատ համայնքի ղեկավարի 2024 թվականի փետրվարի 15-ի թիվ Ե-698 գրությունը և Արամ Առաքելյանի 2024 թվականի ապրիլի 02-ի դիմումը` որոշում եմ․

1․ ՀՀ Արարատի մարզի Արտաշատ համայնքի Արտաշատ քաղաքի Օգոստոսի 23-ի փողոցի վրա գտնվող 17 քառակուսի մետր մակերեսով հողամասի՝ 2003 թվականի հուլիսի 18-ին կնքված վարձակալության պայմանագրի 2․5 կետում նշված տարեկան վարձավճարը՝ 3 400 /երեք հազար չորս հարյուր/ ՀՀ դրամ, փոփոխել՝ տարեկան վարձավճարը սահմանելով 116 200 /մեկ հարյուր տասնվեց հազար երկու հարյուր/ ՀՀ դրամ (տվյալ հողամասի կադաստրային արժեքի 100 տոկոսի չափով)։

2․ Պայմանագրում նշված մյուս կետերը մնում են անփոփոխ։

3․ Համայնքապետարանի աշխատակազմի իրավաբանական բաժնին՝ որոշման 1-ին կետի կատարումն ապահովելու նպատակով՝ նոտարական գրասենյակում կնքել Պայմանագրում փոփոխություն կատարելու մասին համաձայնագիր (Համաձայնագիր)։

4․ Համաձայնագրից ծագող իրավունքներն ու պարտականությունները ենթակա են պետական գրանցման։

5․ Որոշումն ուժի մեջ է մտնում հրապարակմանը հաջորդող օրվանից։