Ուսումնասիրելով Հայաստանի Հանրապետության Արարատի մարզի Արտաշատի համայնքապետարանի աշխատակազմի քաղաքաշինության և հողաշինության բաժնի կողմից 11․07․2025 /մուտք՝ Ա-8852/ թվականին կազմված զեկուցագիրը՝ պարզվել է․

1.Վարչական ակտով լուծվող հարցի նկարագրությունը.

Արսեն Ռուբիկի Առաքելյանը /հասցե՝ ՀՀ Արարատի մարզ, գ․Այգեստան, Րաֆֆու 19/ Արտաշատ համայնքի Այգեստան գյուղի Ե․ Չարենցի փողոց 7 հասցեի հատվածում /Հ–9, Հ–8 Բերքանուշ–Դվին ավտոճանապարհի աջակողմյան հատվածում/ գույքի սեփականատիրոջ՝ Արսեն Առաքելյանի կողմից, թույլ է տվել արարք, որը բնորոշվում է Վարչական իրավախախտումների վերաբերյալ օրենսգրքի 154-րդ հոդվածի 2–րդ մասով նախատեսված վարչական իրավախախտման հատկանիշներ, ինչի կապակցությամբ, Հայաստանի Հանրապետության Արարատի մարզի Արտաշատի համայնքապետարանի աշխատակազմի քաղաքաշինության և հողաշինության բաժնի աշխատակիցների կողմից վարչական իրավախախտման վերաբերյալ կազմված թիվ 100  արձանագրության և 11․07․2025թ․ /մուտք՝ Ա-8852/ ներկայացված զեկուցագրի հիման վրա 2025 թվականի հուլիսի 14–ին «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» ենթակետի և 34-րդ հոդվածով սահմանված կարգով, Վարչական իրավախախտումների վերաբերյալ ՀՀ օրենսգրքի 154-րդ հոդվածի 2–րդ մասի պահանջների խախտման փաստով հարուցվել է վարչական վարույթ։

Արտաշատի համայնքապետարանի աշխատակազմի իրավաբանական բաժնի կողմից վարչական իրավախախտման դեպքով հարուցված վարչական վարույթի շրջանակներում 20․08․2025թ․-ի, ժամը 11։00-ին հրավիրվել է վարչական լսում։ Վարչական վարույթի ընթացքում պարզվել է, որ Հակակոռուպցիոն դատարանի 2025 թվականի հունիսի 25–ին թիվ ՀԿԴ/0162/06/25 գործով կայացվել է որոշում, որով մեղադրյալ Արսեն Ռուբիկի Առաքելյանի նկատմամբ որպես խափանման միջոց ընտրվել է բացակայելու արգելքը, մասնավորապես առանց իրավասու մարմնի ուղեկցությամբ չլքել փաստացի բնակության վայրը՝ ՀՀ Արարատի մարզի, Արտաշատ համայնքի, Այգեստան բնակավայրի Րաֆֆու 19 հասցեում գտնվող տունը։ 13․08․2025 թվականին ՀՀ Արարատի մարզի Արտաշատի համայնքի ղեկավար Կ․Մկրտչյանի կողմից գրություն է ուղարկվել ՀՀ հակակոռուպցիոն կոմիտեի արդարադատության շահերի դեմ ուղղված, ինչպես նաև իրավապահ մարմինների ծառայողների վերագրվող հանցագործությունների քննության վարչության հատկապես կարևոր գծերով ավագ քննիչ՝ Ա․Խաչտրյանին՝ խնդրելով հնարավարության դեպքում, իրավասու մարմնի ուղեկցությամբ ապահովել Արսեն Ռուբիկի Առաքելյանի մասնակցությունը՝ Արտաշատի համայնքապետարանում 20.08.2025 թվականին, ժամը՝ 11։00–ին, նշանակված վարչական լսմանը։ Նշանակված օրը Արսեն Առաքելյանը չներկայացավ։ Համաձայն 21.08.2025 թվականի ՀՀ ՆԳՆ ոստիկանության Արտաշատի բաժնի ավագ համայնքային ոստիկան, ոստիկանության կապիտան Ա․ Գալստյանի «զրույց ունենելու վերաբերյալ» արձանագրության՝ Արսեն Առաքելյանը հրաժարվել է ներկայանալ 20.08.2025 թվականին, ժամը՝ 11։00–ին կայանալիք վարչական լսմանը։ Ա․Առաքելյանի կողմից վարչական վարույթի շրջանակներում այլ միջնորդություններ և դիմումներ չեն ներկայացվել։  

2.Վարչական ակտն ընդունելու հիմնավորումը.

«Վարչարարության հիմունքների և վարչական վարույթի մասին» օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.  

Արսեն Ռուբիկի Առաքելյանի կողմից  Արտաշատ համայնքի Այգեստան գյւղի Ե․ Չարենցի փողոց 7 հասցեի հատվածում /Հ–9, Հ–8 Բերքանուշ–Դվին ավտոճանապարհի աջակողմյան հատվածում/  առանց քաղաքաշինական փաստաթղթերի, շինարարության թուլտվության, պետական լիազար մարմնի համաձայնության իրկանացվում են շինարարական աշխատանքներ, այսինքն թույլ է տրվել արարք, որը հակասում է Վարչական իրավախախտումների վերաբերյալ օրենսգրքի  154-րդ հոդվածի 2–րդ մասով նախատեսված հատկանիշներին, համաձայն որի՝ սեփականության կամ հողօգտագործման իրավունք ունեցող անձի կողմից այդ հողամասի վրա, ինչպես նաև անհատական բնակելի տներում կամ ստորաբաժանված կամ բազմաբնակարան շենքերում կամ շենքերին կից, օրենքով և այլ իրավական ակտերով սահմանված կարգով այդ նպատակի համար չհատկացված հողամասում կամ առանց թույլտվության կամ թույլտվությամբ սահմանված պայմանների կամ քաղաքաշինական նորմերի ու կանոնների էական խախտումներով շենք, շինություն կամ այլ կառույց կառուցելը կամ վերակառուցելը կամ տեղադրելը կամ առանց թույլտվության շինարարություն կամ տեղադրման թույլտվություն պահանջող շինարարական աշխատանքներ կամ առանց թույլտվության քանդում կամ ապամոնտաժում իրականացնելը՝ ․․․ 2. Սույն հոդվածի 1-ին մասում նշված արարքները գյուղական բնակավայրերում իրականացնելը` առաջացնում է տուգանքի նշանակում` սահմանված նվազագույն աշխատավարձի հարյուրապատիկի չափով:  Հողային օրենսգրքի 43-րդ հոդվածի համաձայն՝ 

1.Համայնքի ղեկավարը վերահսկողություն է իրականացնում`

1) հողօգտագործողների կողմից հողային օրենսդրության պահանջների կատարման նկատմամբ.

2) հողամասերն ըստ նպատակային և գործառնական նշանակությամբ օգտագործելու նկատմամբ.

3) հողօգտագործման սահմանների և սահմանանիշերի պահպանման նկատմամբ.

4) հողերի պահպանմանն ուղղված միջոցառումների նկատմամբ.

5) հողերի խախտման հետ կապված աշխատանքներ կատարելիս հողի բերրի շերտի հանման, պահպանման և օգտագործման նկատմամբ:

2. Համայնքի ղեկավարը կանխարգելում, կասեցնում և վերացնում է ապօրինի հողօգտագործումը համայնքի վարչական սահմաններում, օրենքով սահմանված դեպքերում ու կարգով հողային օրենսդրության պահանջները խախտողների նկատմամբ կիրառում է վարչական տույժեր, ինչպես նաև իրավասու մարմիններ է ներկայացնում հաղորդումներ` իրավախախտում թույլ տված անձանց` օրենքով սահմանված պատասխանատվության ենթարկելու վերաբերյալ:

 Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետի` համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության:

 Համաձայն «Քաղաքաշինության մասին» օրենքի 26-րդ հոդվածի՝ համայնքների տարածքներում համայնքի ղեկավարը վերահսկում է կառուցապատողներին տրված ճարտարապետահատակագծային առաջադրանքների, բնակավայրերի քաղաքաշինական կանոնադրության պահանջների կատարումը, հողերի և ամրակայված գույքի քաղաքաշինական նպատակային օգտագործումը, ինչպես նաև կանխարգելում, կասեցնում է ինքնակամ շինարարության դեպքերը և օրենքով սահմանված կարգով ապահովում է դրանց հետևանքների վերացումը:

 Վարչական իրավախախտումների վերաբերյալ օրենսգրքի 32-րդ հոդվածի 2-րդ  մասի համաձայն՝ տույժ նշանակելիս հաշվի են առնվում կատարված իրավախախտման բնույթը, խախտողի անձը, նրա մեղքի աստիճանը, գույքային դրությունը, պատասխանատվությունը մեղմացնող և ծանրացնող հանգամանքները: Սույն վարչական վարույթի շրջանակներում այդպիսի հանգամանքներ չեն հայտնաբերվել։

  3․ Եզրափակիչ մաս․             

 Ելնելով վերոգրյալից, ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետով, Վարչական իրավախախտումների վերաբերյալ ՀՀ օրենսգրքի 48-րդ հոդվածի 2-րդ պարբերությամբ և 32-րդ հոդվածով,  «Վարչարարության հիմունքների և վարչական վարույթի մասին» օրենքի 58-60-րդ հոդվածներով, որոշում եմ․

1. Արսեն Ռուբիկի Առաքելյանի նկատմամբ նշանակել տուգանք՝ 100․000 (մեկ հարյուր հազար) ՀՀ դրամի չափով։

2․ Վարչական իրավախախտումների վերաբերյալ օրենսգրքի 305-րդ հոդվածի համաձայն՝ տուգանքը պետք է վճարվի սույն որոշումն իրավախախտում կատարած անձի կողմից ստանալուց ոչ ուշ, քան տասնհինգ օրվա ընթացքում՝ Արտաշատ համայնքի տեղական գանձապետարանի՝ վարչական իրավախախտումների, տուգանքների, պատժամիջոցների համար նախատեսված N 900415151472 հաշվեհամարին։

3․Սույն որոշումը կարող է վարչական կարգով բողոքարկվել Արտաշատ համայնքի ղեկավարին՝ դրա ուժի մեջ մտնելու օրվանից երեսուն օրվա ընթացքում կամ դատական կարգով վարչական դատարան։ Նշված ժամկետը հարգելի պատճառներով բաց թողնելու դեպքում այդ ժամկետը կարող է վերականգնվել գանգատը քննելու համար իրավազոր մարմնի (պաշտոնատար անձի) կողմից, այն անձի դիմումով, որի նկատմամբ ընդունված է որոշումը։

4․Սույն որոշման պահանջները չկատարելու դեպքում «Վարչարարության հիմունքների և վարչական վարույթի մասին» օրենքի 88-րդ հոդվածով սահմանված կարգով այն ենթակա է հարկադիր կատարման՝ արդարադատության նախարարության հարկադիր կատարման ծառայության միջոցով՝ անբողոքարկելի դառնալուց հետո եռամսյա ժամկետում:

5․Սույն որոշումն ուժի մեջ է մտնում կողմին իրազեկելուն հաջորդող օրվանից կամ Վարչական իրավախախտումների վերաբերյալ օրենսգրքի 283-րդ հոդվածի դրույթներին համապատասխան Հայաստանի Հանրապետության հրապարակային ծանուցումների պաշտոնական ինտերնետային կայքում տեղադրելու միջոցով որոշումը համարվում է հանձնված (պատշաճ ծանուցված)՝ որոշման մասին ծանուցումն ինտերնետային կայքում տեղադրելու օրվան հաջորդող հինգերորդ օրը։