Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ի մասի 42-րդ կետով և միջազգային խոշոր մարզական միջոցառումներին Հայաստանի Հանրապետության ազգային հավաքական թիմերի հաջող մասնակցությունն ապահովելու, ինչպես նաև Հանրապետական առաջնությունում առավել բարձր ցուցանիշների հասած Արտաշատ համայնքի կամ համայնքային ենթակայության կազմակերպությունների մարզիկներին և մրցանակակիր մարզիկների անձնական մարզիչներին և կազմակերպություններին դրամական մրցանակներ շնորհելու նպատակով՝ համայնքի ավագանին որոշում է.
1.Հաստատել՝ օլիմպիական, պարալիմպիկ, սուրդլիմպիկ խաղերում, օլիմպիական խաղերի ծրագրում ընդգրկված մարզաձևերի (նաև օլիմպիական խաղերի ծրագրում չընդգրկված սամբո ըմբշամարտ, միջազգային շաշկի, ուշու և շախմատ մարզաձևերի) աշխարհի ու Եվրոպայի առաջնություններում (նաև հաշմանդամների), եվրոպական խաղերում, շախմատի համաշխարհային օլիմպիադայում, Եվրոպայի օլիմպիական երիտասարդական փառատոնում, համաշխարհային ունիվերսիադայում, պատանեկան օլիմպիական խաղերում, շախմատի պատանեկան օլիմպիադայում, ինչես նաև հանրապետական առաջնություններում 1-ից 3-րդ տեղեր գրաված Արտաշատ համայնքի կամ համայնքային ենթակայության կազմակերպությունների մարզիկներին, մեդալակիր մարզիկների անձնական մարզիչներին և կազմակերպություններին շնորհվող դրամական մրցանակների առավելագույն չափերը՝ համաձայն հավելվածի.
2.Սույն որոշմամբ հաստատված դրամական մրցանակները շնորհել Արտաշատ համայնքի բյուջետային ծրագրով նախատեսված միջոցների հաշվին՝ Արտաշատ համայնքի ղեկավարի որոշմամբ.
3.Որոշումն ուժի մեջ է մտնում 2023թվականի հունվարի 1-ից: