Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, 42-րդ հոդվածի 1-ին մասի 6-րդ կետով, հիմք ընդունելով Հայաստանի Հանրապետության կառավարության 2015 թվականի մարտի 19-ի թիվ 596-Ն որոշումը և ուսումնասիրելով Մամիկոն Գրիգորյանի ներկայացուցիչ՝ Գագիկ Եղիազարյանի 11.07.2025 թվականի թիվ ՇԹԴ/235/13284-25 դիմումը, որոշում եմ․

1.Գեղամ Գրիգորյանին, Մամիկոն Գրիգորյանին և Մարիամ Հակոբյանին տրամադրել Արտաշատ համայնքի Արտաշատ քաղաքի Աբովյան փողոց 83 հասցեում գտնվող, ընդհանուր բաժնային սեփականության իրավունքով պատկանող՝ 03-001-0018-0001 կադաստրային ծածկագրով հողամասում՝ բնակելի տանը կից շինության կառուցման շինարարության թույլտվություն (շինարարության թույլտվությունը կցվում է):

2.Մամիկոն Գրիգորյանն Արտաշատի համայնքապետարանի 900415151316 հաշվեհամարին վճարել է 15000 (տասնհինգ հազար) ՀՀ դրամ տեղական տուրք՝ շինարարության թույլտվության և 5000 (հինգ հազար) ՀՀ դրամ 900415151241 հաշվեհամարին՝ քանդման համար:

3.Կառուցապատողը շինարարական աշխատանքները սկսելուց առնվազն երեք օր առաջ պարտավոր է Արտաշատ համայնքի ղեկավարին ներկայացնել թիվ 2-5 ձևի տեղեկանք:

4.Սույն որոշումն ուժի մեջ է մտնում ընդունման մասին դիմումատուին պատշաճ իրազեկելու օրվան հաջորդող օրվանից: