Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, 102-րդ հոդվածով, ՀՀ քաղաքացիական օրենսգրքի 466-րդ հոդվածի 1-ին մասով, հիմք ընդունելով Արտաշատ համայնքի ավագանու 2024 թվականի հուլիսի 25-ի N 234-Ա որոշումը, հաշվի առնելով Արտաշատ համայնքի ղեկավարի 2024 թվականի մարտի 11-ի թիվ Ե-1195 գրությունը և Հովիկ Թադևոսյանի 2024 թվականի մայիսի 29-ի դիմումը` որոշում եմ․
1․ ՀՀ Արարատի մարզի Արտաշատ համայնքի Արտաշատ քաղաքի Իսակովի փողոցի թիվ 47/6 հասցեում գտնվող 44.1 քառակուսի մետր մակերեսով հողամասի կառուցապատման իրավունքի տրամադրման՝ 2015 թվականի մարտի 26-ին կնքված պայմանագրի 5․1 կետում նշված տարեկան վարձավճարը՝ 91 300 /իննսունմեկ հազար երեք հարյուր/ ՀՀ դրամ, փոփոխել՝ տարեկան վարձավճարը սահմանելով 211 000 /երկու հարյուր տասնմեկ հազար/ ՀՀ դրամ (տվյալ հողամասի կադաստրային արժեքի 70 տոկոսի չափով)։
2․ Պայմանագրում նշված մյուս կետերը մնում են անփոփոխ։
3․ Համայնքապետարանի աշխատակազմի իրավաբանական բաժնին՝ որոշման 1-ին կետի կատարումն ապահովելու նպատակով՝ նոտարական գրասենյակում կնքել Պայմանագրում փոփոխություն կատարելու մասին համաձայնագիր (Համաձայնագիր)։
4․ Համաձայնագրից ծագող իրավունքներն ու պարտականությունները ենթակա են պետական գրանցման։
5․ Որոշումն ուժի մեջ է մտնում հրապարակմանը հաջորդող օրվանից։