Զեկ. ԱՆԺԵԼԱ ԳՈՒԼԳՈՒԼՅԱՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, «Արխիվային գործի մասին» օրենքի 6-րդ հոդվածի 1-ին մասի 2-րդ կետի պահանջներով՝ Արտաշատ համայնքի ավագանին որոշում է․

1․ 2001 թվականից մինչև 2022 թվականը ներառյալ ժամանակահատվածում առաջացած, Արտաշատ համայնքի սեփականություն համարվող սույն որոշման 1-ին կետի 1-ին, 2-րդ ենթակետերով նշված արխիվային փաստաթղթերի նկատմամբ սեփականության իրավունքը փոխանցել պետական սեփականության։
1) Արտաշատ համայնքի Շահումյան բնակավայրի վարչական ղեկավարի նստավայրում պահպանվող, Արտաշատի համայնքապետարանի իրավանախորդ հանդիսացող Շահումյանի համայնքապետարանի 2002-2022թթ․ արխիվային փաստաթղթեր․
2) Արտաշատ համայնքի Վերին Արտաշատ բնակավայրի վարչական ղեկավարի նստավայրում պահպանվող, Արտաշատի համայնքապետարանի իրավանախորդ հանդիսացող Վերին Արտաշատի համայնքապետարանի 2001-2015թթ․ աճուրդային փաստաթղթեր, 2009-2022թթ․ աշխատակազմի քարտուղարի հրամանների գրանցամատյան, 2013-2017թթ․ համայնքի ղեկավարի կարգադրությունների գրանցամատյան, 2016-2022թթ․ արխիվային փաստաթղթեր։
2․ Որոշումն ուժի մեջ է մտնում հրապարակմանը հաջորդող օրվանից։