Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, 43-րդ հոդվածի 2-րդ մասի 1-ին կետով, Հայաստանի Հանրապետության կառավարության 2009 թվականի սեպտեմբերի 17-ի N 1066-Ն որոշման N1 հավելվածի 2-րդ մասի պահանջներով, ուսումնասիրելով քաղաքացի Մարինե Վարդանյանի դիմումը (Ք-2715, 24.02.2023թ.) և հիմք ընդունելով ՀՀ Արարատի մարզի գյուղատնտեսական նշանակության հողերի հողատեսքերի փոփոխման մարզային հանձնաժողովի 28.03.2023թ. թիվ 2/1 արձանագրությունը՝ որոշում եմ.
1.Արտաշատ համայնքի Արտաշատ քաղաքում գտնվող, Մարինե Վարդանյանին, Գագիկ Վարդանյանին, Հռիփսիմե Վարդանյանին, Անի Վարդանյանին և Արմինե Վարդանյանին համատեղ սեփականության իրավունքով պատկանող, 03-001-0512-0002 կադաստրային ծածկագրով 0,48754 հա հողամասը բարձրարժեք՝ բազմամյա տնկարկ (կորիզավոր) հողատեսքից փոխադրել ավելի ցածրարժեք՝ վարելահող հողատեսքի՝ համաձայն համապատասխան որակավորում ունեցող մասնագետի կողմից կազմված և համայնքի ղեկավարի կողմից հաստատված հատակագծի։
2.Համայնքապետարանի աշխատակազմի քաղաքաշինության և հողաշինության բաժնին՝ կատարել համապատասխան փոփոխություն համայնքի հողային հաշվեկշռում:
3.Սույն որոշմամբ սահմանված փոփոխությունները ենթակա են պետական գրանցման Հայաստանի Հանրապետության կադաստրի կոմիտեում։
4.Որոշումն ուժի մեջ է ընդունման մասին դիմումատուին պատշաճ իրազեկելու օրվան հաջորդող օրվանից։