26.04.24
ԲԱՐԵԿԱՐԳՎԵԼ ԵՎ ԳԾԱՆՇՎԵԼ Է ՀԱՄԱՅՆՔԱՊԵՏԱՐԱՆԻ ՄԵՐՁԱԿԱ ՀՐԱՊԱՐԱԿԸ
|
Բարեկարգման, փոսանորոգման և մասնակի ասֆալտապատման աշխատանքներ են ընթացել համայնքապետարանի մերձակա հրապարակում։ Տարածքը բարեկարգելուց հետո իրականացվել են ճանապարհային գծանշման աշխատանքներ։ Նշվել են հոծ գծերը, երթևեկության գոտիների և տրանսպորտային միջոցների կայանման տեղերի սահմանները։
|
|
26.04.24
ՀՀ ՔԱՂԱՔԱՑՈՒ ՕՐՎԱ ԱՌԹԻՎ ԱՐՏԱՇԱՏ ՀԱՄԱՅՆՔՈՒՄ ՆԱԽԱՏԵՍՎԱԾ ՄԻՋՈՑԱՌՈՒՄՆԵՐԸ
|
Այս տարի Քաղաքացու օրը նշվում է ապրիլի 27-ին՝ «Հայրենիքը պետությունն է: Սիրում ես հայրենիքդ՝ ուժեղացրու պետությունդ» խորագրով:Օրվա առթիվ Արտաշատ համայնքում նախատեսված են հանդիպումներ, բանախոսություններ, նկարչական աշխատանքների ցուցադրություններ և համերգային կատարումներ` Արտաշատ քաղաքային և գյուղական բնակավայրերում:Միջոցառումները կմեկնարկեն ժամը 11:00-ից:Ներկայացնում ենք Արտաշատ համայնքում կազմակերպվող միջոցառումների օրակարգը.Արտաշատի երաժշտական դպրոցում ժամը 11:00-ին տեղի կունենա հանդիպում Հայաստանի երգի պետական թատրոնի տնօրեն Մանե Գրիգորյանի հետԱրևշատ բնակավայրի երաժշտական դպրոցում ժամը 11:00-ին տեղի կունենա հանդիպում Հայաստանի պետական ֆիլհարմոնիայի տնօրեն Արտյոմ Նախդյանի հետ14:00-ին ...
Մանրամասն |
|
25.04.24
ՈՒՇԱԴՐՈՒԹՅՈՒՆ
|
Հարգելի քաղաքացիներ, համայնքում կոմունալ ծառայության աշխատանքները պատշաճ իրականացնելու համար, խնդրում ենք հատկապես առավոտյան ժամերին ավտոմեքենաները չկայանել կենտրոնական փողոցների եզրերին և բանուկ հատվածներում, որպեսզի չխոչընդոտեն ջրցան մեքենայի աշխատանքը:
|
|
24.04.24
ՀԱՐԳԱՆՔԻ ՏՈՒՐՔ՝ ՄԵԾ ԵՂԵՌՆԻ 109-ՐԴ ՏԱՐԵԼԻՑԻ ԿԱՊԱԿՑՈՒԹՅԱՄԲ
|
Արտաշատում այսօր հարգանքի տուրք մատուցվեց Հայոց մեծ Եղեռնի 109-րդ տարելիցի կապակցությամբ։ Համայնքապետարանի մերձակա հրապարակից մեկնարկեց քայլերթ, որին մասնակցում էին Արարատի մարզպետ Սեդրակ Թևոնյանը, Արտաշատի համայնքապետ Կառլեն Մկրտչյանը, մարզի ուժային կառույցների ղեկավարներ, Սուրբ Հովհաննես Ավետարանիչ եկեղեցու հոգևոր հովիվներ, մարզպետի աշխատակազմի, համայնքապետարանի աշխատակիցներ, համայնքային ենթակայության հաստատությունների ու հիմնարկ-ձեռնարկությունների աշխատակիցներ, քաղաքացիներ։ Ներկաները Սուրբ Հովհաննես Ավետարանիչ եկեղեցու բակում տեղակայված խաչքար-հուշակոթողին ծաղկեպսակներ ու ծաղիկներ խոնարհեցին։ Եկեղեցու հոգևոր հայրերը բարեխոսական աղոթք կարդացին՝ մեծ հանգստություն մաղթելով նահատակներին։
|
|
23.04.24
ԳԾԱՆՇՄԱՆ ԱՇԽԱՏԱՆՔՆԵՐ
|
Երթևեկության և հետիոտնային անցման կանոնակարգման նպատակով համայնքում իրականացվում են փողոցների գծանշման աշխատանքներ: Աշխատանքները մեկնարկել են Արտաշատ քաղաքային համայնքի Երևանյան փողոցից և ներառելու են բոլոր փողոցները: Սահմանված ժամանակացույցով գծանշման աշխատանքները կշարունակվեն նաև գյուղական բնակավայրերում:
|
|
23.04.24
ՔԱՅԼԵՐԹ ԵՎ ՄՈՄԱՎԱՌՈՒԹՅՈՒՆ՝ Ի ՀԻՇԱՏԱԿ ՄԵԾ ԵՂԵՌՆԻ ԱՆՄԵՂ ԶՈՀԵՐԻ
|
Հայոց ցեղասպանության 109-րդ տարելիցի նախօրեին, Արտաշատի համայնքապետարանը և Սուրբ Հովհաննես Ավետարանիչ եկեղեցին` օրհնությամբ Տեր Գևորգ եպիսկոպոս Սարոյանի, համայնքի երիտասարդների մասնակցությամբ կազմակերպել էին քայլերթ։ Համայնքապետարանի մերձակա հրապարակից մեկնարկեց երթը` դեպի Արտաշատի Սուրբ Հովհաննես Ավետարանիչ եկեղեցու բակում տեղադրված` 1915 թվականի Եղեռնի զոհերի հիշատակին նվիրված խաչքարի մոտ, որտեղ տեղի ունեցավ մոմավառություն` ի հիշատակ Եղեռնի անմեղ զոհերի:
|
|
22.04.24
ԱՍՖԱԼՏԱՊԱՏՄԱՆ ԵՎ ԲԱՐԵԿԱՐԳՄԱՆ ԱՇԽԱՏԱՆՔՆԵՐ՝ ՋՐԱՇԵՆ ԲՆԱԿԱՎԱՅՐՈՒՄ
|
Համայնքի ղեկավար Կառլեն Մկրտչյանն այսօր այցելել է Ջրաշեն բնակավայր և հետևել ասֆալտապատման աշխատանքների ընթացքին։ Պետություն-համայնք համագործակցությամբ՝ Ջրաշենում 2023 թվականի սուբվենցիոն ծրագրով ավարտին են մոտեցել Գայի, Գրիբոյեդով և Հաջոյան փողոցների ասֆալտապատման և բարեկարգման աշխատանքները՝ ընդհանուր 767 գծամետր երկարությամբ: Նշենք, ️որ աշխատանքներն ընթանում են Մասիս, Ջրաշեն և Ազատավան բնակավայրերի ենթածրագրի շրջանակում, որի շինարարական աշխատանքների արժեքը 205.557. 733 ՀՀ դրամ է։ Համայնքի կողմից ֆինանսավորման չափը 65% է, Կառավարությանը` 35%։ Համայնքի ղեկավարը դիտարկել է աշխատանքների որակն ու ծավալը, տվել հանձնարարականներ։
|
|
22.04.24
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ
|
Ապրիլի 24-ին՝ Հայոց Ցեղասպանության հիշատակի օրվան ընդառաջ, համայնքի ղեկավար Կառլեն Մկրտչյանն այսօր խորհրդակցություն է հրավիրել համայնքապետարանի ստորաբաժանումների և համայնքային ենթակայության հաստատությունների ոլորտային պատասխանատուների մասնակցությամբ: Համայնքի ղեկավարն հանձնարարեց հավուր պատշաճի պատրաստվել Մեծ եղեռնի զոհերի հիշատակին կազմակերպվելիք սգո երթին և հիշատակի միջոցառումներին, պլանավորվեց յուրաքանչյուր աշխատակցի կողմից իրականացվող աշխատանքների ցանկը: Ապրիլի 24-ին համայնքապետարանի մերձակա հրապարակից կմեկնարկի սգո երթը, այնուհետ Արտաշատի սուրբ Հովհաննես Ավետարանիչ եկեղեցու բակում տեղադրված խաչքար-հուշակոթողի մոտ հարգանքի տուրք կմատուցվի: Մինչ այդ՝ ապրիլի 23-ին համայնքում ...
Մանրամասն |
|
19.04.24
ԲԵՐՔԱՆՈՒՇ ԲՆԱԿԱՎԱՅՐՈՒՄ ԱՍՖԱԼՏԱՊԱՏՎԵԼ ԵՎ ԲԱՐԵԿԱՐԳՎԵԼ ԵՆ ԵՐԿՈՒ ՓՈՂՈՑՆԵՐ
|
Համայնքի ղեկավար Կառլեն Մկրտչյանն այսօր եղել է Բերքանուշ բնակավայրում և ոլորտային պատասխանատուների հետ դիտարկել 2023 թվականի սուբվենցիոն ծրագրով իրականացվող ասֆալտապատման և բարեկարգման աշխատանքների ընթացքը, տվել աշխատանքները պատշաճ որակով և ողջ ծավալով իրականացնելու հանձնարարականներ: Բերքանուշում ասֆալտապատվում են Շահումյան և Աղայան փողոցները՝ ընդանուր 600 գծամետր երկարությամբ: Վերջինը բնակավայրի գերազմանատուն տանող ճանապարհն է: Ասֆալտապատման աշխատանքներն իրականացվում են 2023 թվականի սուբվենցիոն ծրագրի՝ Բաղրամյան և Բերքանուշ բնակավայրերի ենթածրագրի շրջանակում՝ 101.837.334 ՀՀ դրամ արժողությամբ: Կառավարության կողմից համաֆինանսավորման չափը 35% է, իսկ համայնքինը՝ 65%:
|
|
17.04.24
ԱՐՏԱՇԱՏ ՀԱՄԱՅՆՔԻ ՂԵԿԱՎԱՐ ԿԱՌԼԵՆ ՄԿՐՏՉՅԱՆԸ ՇՆՈՐՀԱՎՈՐԵԼ Է ԵԶԴԻԱԿԱՆ ՆՈՐ ՏԱՐՎԱ ԱՌԹԻՎ
|
Սիրով շնորհավորում եմ Հայաստանի և Արտաշատի եզդիական համայնքի բոլոր ներկայացուցիչներին՝ եզդիական Նոր տարվա՝ Մալաքե Թաուսի տոնի առթիվ: Հայ և եզդի ժողովուրդների բարեկամությունը դարերի պատմություն ունի, որը տարիների ընթացքում ավելի է ամրապնդվել, մենք նույն փորձությունների բովով ենք անցել, սակայն չենք ընկրկել ու չենք հուսահատվել: Եզդի եղբայրական ժողովուրդը մշտապես մեր կողքին է եղել՝ զգալի ներդրում ունենալով պետականաշինության ու Հայաստանի պաշտպանության սուրբ գործում: Մաղթում եմ, որ նոր տարին մեր բարեկամ եզդի ժողովրդի համար լինի երջանկության, առատության և հաջողությունների տարի: Թող հաջողությամբ շարունակվեն ազգային ավանդույթները, կրոնը, լեզուն ու մշակույթը պահպանելու և զարգացնելու ձեր ...
Մանրամասն |
|
1 2 3 4 5 6 7 8 9 10 ... |