|
06.07.20
ՀԱՄԱՅՆՔԱՊԵՏ ԿԱՐԵՆ ԲԵՆԻԱՄԻՆՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ՝ ՍԱՀՄԱՆԱԴՐՈՒԹՅԱՆ ՕՐՎԱ ԱՌԹԻՎ
|
|
Արտաշատ համայնքի հարգելի բնակիչներ, շնորհավորում եմ բոլորիս Սահմանադրության օրվա առթիվ: 1995 թվականի հուլիսի 5-ի համաժողովրդական հանրաքվեով ընդունվեց ՀՀ Սահմանադրությունը, որի առաջին հոդվածում հռչակված է՝ Հայաստանի Հանրապետությունն ինքնիշխան, ժողովրդավարական, սոցիալական, իրավական պետություն է: Իսկ երկրորդ հոդվածում նշված է՝ Հայաստանի Հանրապետությունում իշխանությունը պատկանում է ժողովրդին: Այս փաստերի կարևորությունը գիտակցելով՝ մեզանից յուրքանչյուրը պարտավոր է ապրել Երկրի մայր օրենքի գերակայությամբ, ամենօրյա բարեխիղճ ու օրինապահ աշխատանքով կերտել մեր բոլորի երազած երկիրը: Կրկին շնորհավորում եմ մեր պետության ու ժողովրդի համար պատմական նշանակություն ունեցող, մեր անկախ պետականության ...
Մանրամասն |
|
|
27.06.20
ԿՐԻՐ ԴԻՄԱԿ, ՓՐԿԻՐ ԿՅԱՆՔԵՐ
|
|
Նոր տեսակի կորոնավիրուսի վերաբերյալ հանրային իրազեկման բարձրացման և պաշտպանիչ դիմակների կրելը խրախուսելու և պարետատան կողմից սահմանված կանոններին հետևելու նպատակով Արարատի մարզում իրականացվող դիմակների բաժանման արշավին միացել է Արտաշատի համայնքապետարանը։ Այսօր Արտաշատի Օգոստոսի 23-ի փողոցի՝ Աթարբեկյան, Մխչյան, Սամվել Հակոբյան, Մյասնիկյան, Արամ Խաչատրյան խաչմերուկներում համայնքապետարանի աշխատակիցների կողմից բնակիչներին բաժանվեցին դիմակներ։
|
|
|
22.06.20
ԱՎԵԼԻ ԼԱՎ ԱՐՏԱՇԱՏ
|
|
Սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի 2020 թվականի հունիսի 5-ին կայացած նիստի ընթացքում քննարկվել և հավանության են արժանացել Արարատի մարզի մի շարք համայնքներից ներկայացրած սուբվենցիոն հայտերը, այդ թվում՝ Արտաշատ քաղաքային համայնքի «Իսակով, Աթարբեկյան, Աբովյան փողոցների որոշակի հատվածների, Թումանյան փողոցի, Մարքսի փողոցից դեպի «Թիվ 5 մանկապարտեզ» ՀՈԱԿ տանող ճանապարհի, Մարքսի փողոցից դեպի Արազի փողոց թիվ 45 բազմաբնակարան բնակելի շենք տանող ճանապարհի, Խարազյան փողոց թիվ 26, Օգոստոսի 23 փողոցի թիվ 105, Արարատյան փողոցի թիվ 3/1, Օգոստոսի 23 փողոց թիվ 41, Մխչյան փողոցի թիվ 119 բազմաբնակարան բնակելի շենքերի բակերի բարեկարգում և ասֆալտապատում ...
Մանրամասն |
|
|
21.06.20
ՀԱՄԱՅՆՔԱՊԵՏ ԿԱՐԵՆ ԲԵՆԻԱՄԻՆՅԱՆԻ ՇՆՈՐՀԱՎՈՐԱՆՔԸ՝ ԲՈՒԺԱՇԽԱՏՈՂԻ ՕՐՎԱ ԱՌԹԻՎ
|
|
Հունիսի 21-ին Հայաստանում նշվում է Բուժաշխատողի օրը: Տոնական օրվա առթիվ սիրով շնորհավորում եմ բոլոր բուժաշխատողներին, մաղթում անսահման ուժ և եռանդ, համբերություն՝ համավարակի այս դժվարին օրերին: Սիրելի բուժաշխատողներ, այս ծանր օրերին առավել քան կարևոր է ձեր կատարած անձնվեր աշխատանքը, ինչը դուք սիրով ու արհեստավարժությամբ եք կատարում՝ հավատարիմ մնալով Հիպոկրատին տված երդմանը: Ձեր անքուն, լարված աշխատանքի ու մարդասիրական գործունեության արդյունքում փրկվում են մարդկային բազմաթիվ կյանքեր, ինչի համար ևս մեկ անգամ հայտնում ենք մեր անսահման երախտագիտությունը: Կրկին շնորհավորելով մասնագիտական տոնի առթիվ՝ ձեզ ցանկանում եմ ամենալավն ու բարին, անձնական և աշխատանքային հաջողություններ, նոր նվաճումներ: |
|
|
18.06.20
ԴԻՄԱԿՆԵՐ ԵՎ ԱՐՏԱՀԱԳՈՒՍՏ ՆՎԻՐԱԲԵՐՎԵՑ ՀԱՄԱՅՆՔԱՊԵՏԱՐԱՆԻՆ
|
|
‹‹Լիոնս›› միջազգային բարեգործական ընկերության Արտաշատի մասնաճյուղի կողմից 250 բժշկական եռաշերտ դիմակ և 2 պաշտպանիչ արտահագուստ տրամադրվեց Արտաշատի համայնքապետարանին: Համայնքապետ Կարեն Բենիամինյանն իր շնորհակալությունը հայտնեց մասնաճյուղի ներկայացուցիչներին՝ կարևոր ու անհրաժեշտ օգնության համար՝ նշելով, որ դիմակներն ու արտահագուստները կօգտագործվեն համայնքապետարանի կարիքների համար:
|
|
|
11.06.20
ԱՐՏԱՇԱՏՈՒՄ ՏԵՂԱԴՐՎԵԼ Է ԷԼԵԿՏՐԱՄՈԲԻԼՆԵՐԻ ԼԻՑՔԱՎՈՐՄԱՆ ԿԱՅԱՆ
|
|
‹‹Էներգետիկայի հայկական գործակալություն›› հիմնադրամի կողմից Արտաշատ համայնքին է նվիրաբերվել էլեկտրական շարժիչով մեքենաների /էլեկտրամոբիլների/ լիցքավորման կայան, որը տեղադրվել է Արտաշատի համայնքապետարանի հարակից հրապարակում: Մեր համաքաղաքացիներն արդեն լիարժեք օգտվում և անվճար լիցքավորում են իրենց մեքենաները՝ միաժամանակ իրենց շնորհակալությունը հայտնելով հիմնադրամին ու համայնքապետարանին:
|
|
|
01.06.20
ՀԱՄԱՅՆՔԱՊԵՏ ԿԱՐԵՆ ԲԵՆԻԱՄԻՆՅԱՆԻ ՇՆՈՐՀԱՎՈՐԱՆՔԸ՝ ՄԱՆՈՒԿՆԵՐԻ ՏՈՆԻ ԱՌԹԻՎ
|
|
Սիրելի փոքրիկներ, շնորհավորում եմ բոլորիդ Հունիսի 1-ի՝ Մանուկների միջազգային օրվա առթիվ: Ի սրտե մաղթում եմ բոլորիդ քաջառողջություն, ամենայն բարիք, թող ձեզ մշտապես շրջապատեն սերն ու երջանկությունը: Ցավում եմ, որ ձեզ և մեզ համար կարևոր այս տոնը աշխարհում տարածված համավարակի պատճառով ստիպված ենք չնշել գեղեցիկ ու գունեղ միջոցառում կազմակերպելով, ինչն ավանդաբար կազմակերպվել է մեր համայնքում՝ ուրախություն պարգևելով արտաշատցի փոքրիկներին:
Սակայն մի տխրեք և համոզված եղեք, որ բոլոր դժվարություններն անցողիկ են: Սիրելի երեխաներ, մեկ անգամ ևս շնորհավորելով այս պայծառ և ուրախ օրվա առթիվ՝ մաղթում եմ ձեզ ամենալուսավորը, գունագեղ ու հեքիաթային մանկություն: Առողջ եղեք: |
|
| 1 2 3 4 5 6 7 8 9 10 ... |