Անշարժ գույքի նկատմամբ առաջին պետական գրանցման նպատակով կադաստրային քարտեզագրման ընթացքում հայտնաբերվել է, որ Արտաշատ համայնքի Այվազովսկու փողոցի թիվ 10ա հասցեի սեփականատեր Ֆ.Խաչատրյանը 0,06հա մակերեսով տնամերձ հողամասի փոխարեն օգտագործում է 0,0686հա: Չեն պահպանվել նշված շինությունների նկատմամբ սահմանված կարգով տրամադրված քաղաքաշինական գործունեություն իրականացնելու վերաբերյալ փաստաթղթերը:
Ղեկավարվելով ,,Իրավունք հաստատող փաստաթղթերը չպահպանված անհատական բնակելի տների կարգավիճակի մասին,, Հայաստանի Հանրապետության 10.06.2008 թվականի օրենքի 1-ին և 2-րդ հոդվածների դրույթներով, ՀՀ հողային օրենսգրքի 64-րդ հոդվածի 2-րդ և 3-րդ մասերով, ՀՀ կառավարության 29.12.2005 թվականի թիվ 2387-Ն որոշմամբ  և ընդառաջելով Ֆ.Խաչատրյանի  26.02.2021թվականի թիվ Խ-327 դիմումին. ո ր ո շ ու մ  ե մ`

1. Արտաշատ համայնքի Այվազովսկու փողոցի թիվ 10ա հասցեի սեփականատեր՝ Ֆրունզե Սերոբի Խաչատրյանին /ծնվ. 27.08.1968թվականին/ պատկանող 600քմ մակերեսով տնամերձ հողամասից ավել օգտագործվող 86քմ մակերեսով հողամասը անհատույց թողնել և ճանաչել վերը նշված անձի սեփականության իրավունքը:
2. Նշված հողամասը նախատեսված չէ այլ նպատակային կամ գործառնական նշանակությամբ օգտագործելու համար, չի խոչընդոտում այլ հողամասերի նպատակային կամ գործառնական նշանակությամբ օգտագործումը, չի գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի, այդ թվում ինժեներատրանսպորտային օբյեկտների  սպասարկման և օտարման տարածքներում, չի առաջացնում սերվիտուտ, չի հակասում քաղաքաշինական նորմերին:
3. Իրավունքը հաստատող փաստաթղթերը չպահպանված անհատական բնակելի տնամերձ հողամասի  վրա մինչև 2001 թվականի մայիսի 15-ը կառուցված բնակելի տան և օժանդակ շինությունների, պարիսպի /կառուցված`1988, 1989,1998, 1999թվականներին/ նկատմամբ նշված օրենքի ուժով ճանաչել վերը նշված անձի սեփականության իրավունքը:
4. Արտաշատ համայնքի Այվազովսու փողոցի թիվ 10ա հասցեում գտնվող բնակելի տան և տնամերձ հողամասի նոր հասցեն համարել՝ Արտաշատ համայնք, Այվազովսկու փողոց, թիվ 10/1:
5. Սույն որոշման կատարման պատասխանատու համարել համայնքապետարանի աշխատակազմի ճարտարապետության, քաղաքաշինության և հողօգտագործման բաժնի պետ Կ.Պողոսյանին: