Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, Հայաստանի Հանրապետության կառավարության 2002 թվականի փետրվարի 2-ի «Հայաստանի Հանրապետության շենքերի և շինությունների կամ դրանց մի հատվածի գործառնական նշանակությունը փոփոխելու կարգը հաստատելու մասին» թիվ 88 որոշմամբ և հիմք ընդունելով Արարատի մարզի Արտաշատ համայնքի ավագանու 2020 թվականի հոկտեմբերի 20-ի «Հայաստանի Հանրապետության Արարատի մարզի Արարատ 4 միկրոռեգիոնալ մակարդակի համակցված տարածական պլանավորման փաստաթղթերի մշակման նախագիծը հաստատելու մասին» թիվ 92-Ա և 2023 թվականի դեկտեմբերի 06-ի N224-Ն որոշումները և ուսումնասիրելով Է․Պողոսյանի 16/04/2024թ․ թվականի թիվ Ք-5649 դիմումը՝ որոշում եմ․
1.Արտաշատ համայնքի Արտաշատ քաղաքի, Հ․Թովմասյան փողոց 1 շենքի թիվ 15 հասցեում գտնվող 03-001-0156-0087-001-015- կադաստրային ծածկագրով 80,56քմ մակերեսով բնակարանի նպատակային նշանակությունը փոփոխել հասարակական նպատակային նշանակության, իսկ գործառնական նշանակությունը՝ որպես գրասենյակ։
2.Է․Պողոսյանը շինության գործառնական նշանակության փոփոխության համար Արտաշատի համայնքապետարանի 900415004283 հաշվեհամարին վճարել է ընդամենը՝ 54168 /հիսունչորս հազար մեկ հարյուր վաթսունութ/ ՀՀ դրամ, որից՝ յուրաքանչուր 1քմ մակերեսով շինության համար 300 ՀՀ դրամ /80,56քմ x 300դրամ= 24168 ՀՀ դրամ/ և միանվագ վճար՝ 30 000 /երեսուն հազար/ ՀՀ դրամ:
3.Նշված շինությունը կառուցված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի, այդ թվում ինժեներատրանսպորտային օբյեկտների օտարման գոտիներում, չի հակասում քաղաքաշինական նորմերին, չի առաջացնում սերվիտուտ:
4.Որոշման կատարման պատասխանատու համարել համայնքապետարանի աշխատակազմի քաղաքաշինության և հողաշինության բաժնի պետի ժամանակավոր պաշտոնակատար՝ Կ.Պողոսյանին:
5․Որոշումն ուժի մեջ է մտնում ընդունման մասին դիմումատուին պատշաճ իրազեկելու օրվան հաջորդող օրվանից։