Ուսումնասիրելով Արտաշատի համայնքապետարանի աշխատակազմի եկամուտների հաշվառման բաժնի կողմից տրված տեղեկանքները՝ պարզվել է․
ՆԿԱՐԱԳՐԱԿԱՆ ՄԱՍ․
Քաղաքացի Տիգրան Բաղրամի Գրիգորյանի (Հասցեն՝ Արարատի մարզ, Արտաշատ համայնք, ք․Արտաշատ, Դուրյան փող, շենք 10, բն․ 24) և Արտաշատի քաղաքային համայնքի միջև 15 ապրիլի 2013թ-ին կնքվել է Արտաշատ քաղաքում գտնվող 0․77 հա և 0․4 հա մակերեսով հողամասերի անշարժ գույքի վարձակալության պայմանագիր (Այսուհետ՝ Պայմանագիր)։ Տիգրան Բաղրամի Գրիգորյանը չի կատարել Պայմանագրով ստանձնած իր պարտավորությունները, ինչի կապակցությամբ «Վարչարարության հիմունքների և վարչական վարույթի մասին» օրենքի 30-րդհոդվածի 1-ին մասի «բ» ենթակետի հիմքով Արտաշատի համայնքապետարանի աշխատակազմի իրավաբանական բաժնում հարուցվել է վարչական վարույթ՝ Պայմանագրով նախատեսված վարձավճարի գանձման հարցի քննության նպատակով: «Վարչարարության հիմունքների և վարչական վարույթի մասին» օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննությանա րդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.
Պայմանագրի համաձայն անշարժ գույքի վարձակալության տարեկան վարձավճարը սահմանվել է 24․840 ՀՀ դրամ գումար։ Պայմանագրի ժամկետը սահմանվել է մինչև 15 ապրիլի 2038թ-ը։ Տիգրան Բաղրամի Գրիգորյանը 01 հուվարի 2022թ-ից մինչև 03 ապրիլի 2024թ-ը չի կատարել պայմանագրով նախատեսված պարտավորությունը՝ մասնավորապես չի վճարել վարձավճարները, ինչի արդյունքում հաշվարկվել է նաև տույժ։ Տիգրան Բաղրամի Գրիգորյանի պարտքը 03 ապրիլի 2024թ-ի դրությամբ կազմում է 63․095 ՀՀ դրամ , որից մայր գումար՝ 56․077 ՀՀ դրամ, իսկ տույժը՝ 7018 ՀՀ դրամ գումար։
«Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» ենթակետի հիմքով Արտաշատի համայնքապետարանի աշխատակազմի իրավաբանական բաժնում հարուցված վարչական վարույթի շրջանակներում 2024թ-ի ապրիլի 15-ին հրավիրվել է վարչական վարույթի լսումներ, որին մասնակցելու նպատակով ծրարն ուղարկվել էր Տիգրան Բաղրամի Գրիգորյանին, վերջինս լինելով պատշաճ ծանուցված՝ չի ներկայացել լսմանը ։
ՎԱՐՉԱԿԱՆ ԱԿՏՆ ԸՆԴՈՒՆԵԼՈՒ ՀԻՄՆԱՎՈՐՈՒՄԸ․
ՀՀ Սահմանադրության (2015 թվականի փոփոխություններով) 60-րդ հոդվածի 8-րդ մասի համաձայն՝ «Յուրաքանչյուր ոք պարտավոր է մուծել օրենքին համապատասխան սահմանված հարկեր, տուրքեր, կատարել պետական կամ համայնքային բյուջե մուտքագրվող պարտադիր այլ վճարումներ»: Համաձայն «Տեղական ինքնակառավարման մասին» օրենքի 38-րդ հոդվածի 1-ին մասի 3-րդ կետի՝ համայնքի ղեկավարը, օրենքով սահմանված կարգով, կազմակերպում է տեղական հարկերի, տուրքերի և վճարների, համայնքի վարչական սահմաններում գտնվող համայնքային սեփականություն հանդիսացող հողերի, համայնքային սեփականություն հանդիսացող գույքի վարձավճարների գանձումն ու վերահսկումը:
ԵԶՐԱՓԱԿԻՉ ՄԱՍ․
Ելնելով վերոգրյալից և ղեկավարվելով ՀՀ Սահմանադրությամբ, «Տեղական ինքնակառավարման մասին» օրենքով, «Վարչարարության հիմունքների և վարչական վարույթի մասին» օրենքի 53-րդ, 58-60-րդ հոդվածներով, որոշում եմ․
1.Տիգրան Բաղրամի Գրիգորյանից հօգուտ Արտաշատ համայնքի բյուջե գանձել ընդամենը 63․095 /վաթսուներեք հազար իննսունհինգ/ ՀՀ դրամ՝ որպես Պայմանագրով նախատեսված վարձավճարի գումար՝ ներառյալ տույժերը /900415151076/։
2.Սույն որոշումը կարող է վարչական կարգով բողոքարկվել Արտաշատ համայնքի ղեկավարին՝ դրա ուժի մեջ մտնելու օրվանից երկու ամսվա ընթացքում կամ դատական կարգով վարչական դատարան՝ երկամսյա ժամկետում։
3.Սույն որոշման պահանջները չկատարելու դեպքում «Վարչարարության հիմունքների և վարչական վարույթի մասին» օրենքի 88-րդ հոդվածով սահմանված կարգով այն ենթակա է հարկադիր կատարման՝ արդարադատության նախարարության հարկադիր կատարման ծառայության միջոցով՝ անբողոքարկելի դառնալուց հետո եռամսյա ժամկետում:
4.Սույն որոշումն ուժի մեջ է մտնում վարչական ակտի հասցեատիրոջը «Վարչարարության հիմունքների և վարչական վարույթի մասին» օրենքի 59-րդ հոդվածով սահմանված կարգով իրազեկելուն հաջորդող օրվանից և/կամ «Վարչարարության հիմունքների և վարչական վարույթի մասին» օրենքի 29.1 հոդվածի 14-րդև 15-րդ մասերով սահմանված գործողությունները կատարելուց հետո՝ հինգերորդ օրը: