Ղեկավարվելով <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետով, 43-րդ հոդվածի 2-րդ մասի 1-ին կետով, Հայաստանի Հանրապետության հարկային օրենսգրքի 230-րդ հոդվածի 1-ին մասի 4-րդ կետով, Հայաստանի Հանրապետության կառավարության 2009 թվականի սեպտեմբերի 17-ի N 1066-Ն որոշման N 1 հավելվածի 7-րդ մասի պահանջներով, ուսումնասիրելով քաղաքացի Մխիթար Գրիգորյանի դիմումները (Ք-867, Ք-868, 15.01.2024թ.), հիմք ընդունելով Արարատի մարզպետի 08.09.2022թ. N01/04972-2022 գրությունը և Արտաշատի համայնքապետարանի աշխատակազմի աշխատակիցների կողմից կազմված արձանագրությունը՝ որոշում եմ.
1. Արտաշատ համայնքի Դալար գյուղում գտնվող, Մխիթար Գրիգորյանին սեփականության իրավունքով պատկանող, 03-032-0119-0002 կադաստրային ծածկագրով 0,19 հա հողամասը ցածրարժեքից (վարելահող) փոխադրել ավելի բարձրարժեք՝ բազմամյա տնկարկ նորատունկ կորիզավոր (դեղձ), իսկ 03-032-0119-0001 կադաստրային ծածկագրով 0,0814 հա հողամասը՝ ցածրարժեքից (վարելահող) փոխադրել բազմամյա տնկարկ՝ նորատունկ հնդավոր (տանձ) հողատեսքի։
2. Համայնքապետարանի աշխատակազմի քաղաքաշինության և հողաշինության բաժնին՝ կատարել համապատասխան փոփոխություն համայնքի հողային հաշվեկշռում:
3.Համայնքապետարանի աշխատակազմի եկամուտների հաշվառման բաժնին՝ ապահովել անշարժ գույքի հարկից ազատման արտոնության գործընթացը՝ 03-032-0119-0002 կադաստրային ծածկագրով 0,19 հա հողամասի համար հարկից ազատման ժամկետ սահմանելով 4(չորս) տարի, իսկ 03-032-0119-0001 կադաստրային ծածկագրով 0,0814 հա հողամասիհամար՝ 6(վեց) տարի։
4․ Սույն որոշմամբ սահմանված փոփոխությունները ենթակա են պետական գրանցման Հայաստանի Հանրապետության կադաստրի կոմիտեում։
5.Որոշումն ուժի մեջ է մտնում ընդունման մասին դիմումատուին պատշաճ իրազեկելու օրվան հաջորդող օրվանից։