Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածով, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքով, հիմք ընդունելով Հայաստանի Հանրապետության կառավարության 2006 թվականի 18 դեկտեմբերի թիվ 912-Ն որոշումը և ուսումնասիրելով Ռ․ Մարգարյանի 15/02/2024 թվականի N Ք-2823 դիմումը՝ որոշում եմ․

1.Արտաշատ համայնքի Արտաշատ քաղաքի Նարեկացու փողոց 20 հասցեում գտնվող, 03-001-0221-0011 կադաստրային ծածկագրով բնակավայրերի բնակելի կառուցապատման հողամասում ինքնակամ կառուցված 127,1քմ մակերեսով բնակելի տունը, 14,6քմ մակերեսով թոնրատունը, 16,4քմ մակերսով ծածկը օրինականացնել և համարել կառույցներն ինքնակամ կառուցած անձանց՝ Մխիթար Ռոլիկի Մարգարյանի /ծնված 21/05/1967 թվականին/, Արևիկ Մայիսի Վարդանյանի /ծնված 26/02/1971 թվականին/ և Ռոման Մխիթարի Մարգարյանի /ծնված 27/02/1991 թվականին/ սեփականությունը: 

2.Ինքնակամ կառուցված շինությունների օրինականացման վճարն ընդհանուր կազմում է 264 502  /երկու հարյուր վաթսունչորս հազար հինգ հարյուր երկու/ ՀՀ դրամ /1քմ արժեքը՝ 1673 դրամ x 158,1քմ = 264 502 ՀՀ դրամ/։

3.Առաջարկել շինություններն ինքնակամ կառուցած անձանց 60-օրյա ժամկետում կատարել ինքնակամ կառուցված շինությունների նախատեսված վճարումն Արտաշատ համայնքի բյուջեի 900415151159 հաշվեհամարին:

4.Որոշման 3-րդ կետում նշված ժամկետում վճարումը չկատարելու դեպքում, սույն որոշումը համարել ուժը կորցրած:

5.Օրինականացվող շինությունները կառուցված չեն Հայաստանի Հանրապետության հողային օրենսգրքի 60-րդ հոդվածով սահմանված հողամասերի, այդ թվում ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ։

6.Չափագրման (հաշվառման) տվյալների մուտքագրման ծածկագիրն է՝ 2022PDRMFQ:

7.Որոշման կատարման պատասխանատու համարել համայնքապետարանի աշխատակազմի քաղաքաշինության և հողաշինության բաժնի պետի  ժամանակավոր պաշտոնակատար՝ Կ.Պողոսյանին:

8.Որոշումն ուժի մեջ է մտնում ընդունման մասին դիմումատուին պատշաճ իրազեկելու օրվան հաջորդող օրվանից: