Ղեկավարվելով Հայաստանի Հանրապետության կառավարության 18.05.2006 թվականի թիվ 731-Ն, 29.12.2005 թվականի թիվ 2387-Ն, 18.05.2006 թվականի թիվ 912-Ն, 19.01.2006 թվականի` Արտաշատ համայնքի գլխավոր հատակագիծը հաստատելու մասին թիվ 33-Ն որոշումներով և ընդառաջելով Յու.Կոստանյանի 11.08.2020 թվականի թիվ Կ-1161 դիմումին. ո ր ո շ ու մ եմ՝
- Արտաշատ համայնքի Երևան-Երասխ մայրուղու հարակից տարածքում գտնվող, համայնքային սեփականություն հանդիսացող 0,00753 հա բնակավայրերի հասարակական կառուցապատման հողամասի վրա ինքնակամ կառուցված 75,3քմ արտաքին /65,55քմ ներքին/ մակերեսով ավտոտեխսպասարկման կետը /համաձայն հատակագծի/ համարել համայնքային սեփականություն և ճանաչել օրինական:
- Արտաշատ համայնքի սեփականությունը հանդիսացող, Երևան-Երասխ մայրուղու հարակից տարածքում գտնվող, 0,00753հա մակերեսով բնակավայրերի հասարակական կառուցապատման հողամասը առանձնացնել որպես առանձին գույքային միավոր և տրամադրել հասցե՝ Արտաշատ համայնք, Երևան-Երասխ մայրուղի թիվ 38/3:
- Ավտոտեխսպասարկման կետի զբաղեցրած և սպասարկման համար առանձնացված բնակավայրերի հասարակական կառուցապատման 0,00753 հա մակերեսով հողամասը ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված սահմանափակումների ցանկում, ինչպես նաև ընդգրկված չէ ինժեներատրանսպորտային օբյեկտների օտարման կամ անվտանգության գոտիներում:
- Օրինականացված ավտոտեխսպասարկման կետը համապատասխանում է Հայաստանի Հանրապետության քաղաքաշինական օրենսգրքի 188-րդ հոդվածի 5-րդ կետով սահմանված օրինականացման պայմաններին, Արտաշատ համայնքի հաստատված գլխավոր հատակագծին և քաղաքաշինական համալիր ծրագրերի նախատեսված գոտիներում գտնվող կառույցների պայմաններին:
- Ավտոտեխսպասարկման կետը կառուցված չէ քաղաքաշինական նորմերի խախտումներով, չի առաջացնում սերվիտուտ, ինչպես նաև չի խախտում այլ անձանց իրավունքները և շահերը:
- Առաջարկել իր միջոցներով կառուցած ավտոտեխսպասարկման կետը Յու.Կոստանյանին, գնման նախապատվության իրավունքով գնելու կամ վարձակալելու օրինականացվող կառույցը և զբաղեցրած հողամասը:
- Սույն որոշման կատարման պատասխանատու համարել համայնքապետարանի աշխատակազմի ճարտարապետության, քաղաքաշինության և հողօգտագործման բաժնի պետ Կ.Պողոսյանին
|
|