Լսեցին
ԱՐՏԱՇԱՏ ՀԱՄԱՅՆՔԻ ՍԵՓԱԿԱՆՈՒԹՅՈՒՆԸ ՀԱՆԴԻՍԱՑՈՂ ԱՐՏԱՇԱՏ ՀԱՄԱՅՆՔԻ ԻՍԱԿՈՎ ՓՈՂՈՑԻ ԹԻՎ 47/1 ԲՆԱԿԵԼԻ ՇԵՆՔԻ ԹԻՎ 29 ՀԱՍՑԵՈՒՄ ԳՏՆՎՈՂ 75,23 ՔՄ ԸՆԴՀԱՆՈՒՐ ՄԱԿԵՐԵՍՈՎ ԲՆԱԿԱՐԱՆԸ ՄԱՐԻԵՏԱ ՄԿՐՏԻՉԻ ԱԼԵՔՍԱՆՅԱՆԻՆ, ԱՆԱՀԻՏ ՎԱՐԴԳԵՍԻ ԱԼԵՔՍԱՆՅԱՆԻՆ ՆՎԻՐԵԼՈՒ ՄԱՍԻՆ

/Զեկ. ԱՐՍԵՆ ԵՓՐԵՄՅԱՆ/

   Արտաշատի նախկին քաղխորհրդի գործկոմի 30.12.1982 թվականի թիվ 17 որոշմամբ Վարդգես Հեկտորի Ալեքսանյանի 6 (վեց) անձից բաղկացած ընտանիքին է հատկացվել Արտաշատ համայնքի Իսակով փողոցի թիվ 47ա բնակելի շենքի թիվ 29 բնակարանը: Ներկայումս այդ բնակարանում փաստացի հաշվառված են, բնակվում և գույքին փաստացի տիրապետում են Մարիետա Մկրտիչի Ալեքսանյանը, Անահիտ Վարդգեսի Ալեքսանյանը: Բնակարանների անհատույց սեփականաշնորհման գործընթացին ընտանիքը չի մասնակցել, ինչի հետևանքով Իսակով փողոցի թիվ 47ա բնակելի շենքի թիվ 29 հասցեում գտնվող 75,23 քմ մակերեսով բնակարանը «Հայաստանի Հանրապետության պետական և հանրային բնակարանային ֆոնդի սեփականաշնորհման մասին» Հայաստանի Հանրապետության օրենքի 29-րդ հոդվածի հիման վրա, որպես սեփականություն, հանձնվել է Արտաշատի համայնքապետարանին՝ օրենքով սահմանված կարգով տնօրինելու համար:
   Համաձայն Հայաստանի Հանրապետության կառավարության 29.12.2005 թվականի թիվ 2387-Ն որոշման՝ Արտաշատ համայնքի Իսակով փողոցի թիվ 47ա շենքի թիվ 29 բնակարանը վերահասցեավորման արդյունքում ստացել է Իսակով փողոց, թիվ 47/1 շենք, թիվ 29 բնակարան հասցեն:
   Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասին 21-րդ կետով, ընդառաջելով Արտաշատ համայնքի Իսակով փողոցի թիվ 47/1 բնակելի շենքի թիվ 29 բնակարանի բնակչուհի Մարիետա Մկրտիչի Ալեքսանյանի կողմից Արտաշատի համայնքապետարան հասցեագրված  03.10.2018 թվականի թիվ Ա-1673 դիմումը.   ո ր ո շ ու մ է ՝

   Արտաշատ համայնքի սեփականությունը հանդիսացող Արտաշատ համայնքի Իսակով փողոցի թիվ 47/1 բնակելի շենքի թիվ 29 հասցեում գտնվող 75,23 քմ ընդհանուր մակերեսով բնակարանը նվիրել Մարիետա Մկրտիչի Ալեքսանյանին, Անահիտ Վարդգեսի Ալեքսանյանին: