Արտաշատի նախկին քաղխորհրդի գործկոմի 28.01.1981 թվականի թիվ 1 որոշմամբ, Արայիկ Ռազմիկի Թովմասյանի 2 անձից բաղկացած ընտանիքին է հատկացվել Արտաշատ համայնքի Թումանյան փողոցի թիվ 33 բնակելի շենքի թիվ 29 բնակարանը: Ներկայումս այդ բնակարանում փաստացի հաշվառված, բնակվում և տիրապետում են  Արայիկ Ռազմիկի Թովմասյանը, Ալվարդ Արայիկի Խուդյանը, Մարիամ Արայիկի Թովմասյանը: Բնակարանների անհատույց սեփականաշնորհման գործընթացին ընտանիքը չի մասնակցել, որի հետևանքով Թումանյան փողոցի թիվ 33 բնակելի շենքի թիվ 29 հասցեում գտնվող 37,7 քմ մակերեսով բնակարանը  ,,Հայաստանի Հանրապետության պետական և հանրային բնակարանային ֆոնդի սեփականաշնորհման մասին,, Հայաստանի Հանրապետության օրենքի 29-րդ հոդվածի հիման վրա, որպես սեփականություն, հանձնվել է Արտաշատի համայնքապետարանին, օրենքով սահմանված կարգով տնօրինելու համար:

Ղեկավարվելով ,,Տեղական ինքնակառավարման մասին,, Հայաստանի Հանրապետության օրենքի 18-րդ հոդվածի 1-ին մասի 21-րդ կետով, ընդառաջելով Թումանյան փողոցի թիվ 33 բնակելի շենքի թիվ 29 բնակարանի բնակչուհի Մարիամ Արայիկի Թովմասյանի կողմից  Արտաշատի համայնքապետարան հասցեագրված 30.05.2018 թվականի թիվ Թ-835 դիմումին   ո ր ո շ ո ւ մ   է`

Արտաշատ համայնքի սեփականությունը հանդիսացող, Արտաշատ համայնքի Թումանյան փողոցի թիվ 33  բնակելի շենքի թիվ 29 հասցեում գտնվող 37,7 քմ ընդհանուր մակերեսով բնակարանը նվիրել  Արայիկ Ռազմիկի Թովմասյանին, Ալվարդ Արմենակի Խուդյանին, Մարիամ Արայիկի Թովմասյանին: