Արտաշատի նախկին քաղխորհրդի գործկոմի 20/05/1988 թվականի թիվ 6 որոշման հիման վրա Զավեն Վոլոդյայի Գրիգորյանի չորս /4/ անձից բաղկացած ընտանիքին է հատկացվել Արտաշատ համայնքի Արազի փողոցի թիվ 1 շենքի թիվ 13 հասցեում գտնվող բնակարանը /միասնական օրդերի N004251/:
Ներկայումս այդ բնակարանում փաստացի հաշվառված են, բնակվում են և գույքին փաստացի տիրապետում են Զավեն Վոլոդյայի Գրիգորյանը, Ծովիկ Ալեքսանի Գրիգորյանը և Գարիկ Զավենի Գրիգորյանը:
Բնակարանի անհատույց սեփականաշնորհման գործընթացին ընտանիքը չի մասնակցել, ինչի հետևանքով Արտաշատ համայնքի Արազի փողոցի թիվ 1 շենքի թիվ 13 հասցեում գտնվող 74.97 ք.մ. մակերեսով բնակարանը ,,Հայաստանի Հանրապետության պետական և հանրային բնակարանային ֆոնդի սեփականաշնորհման մասին,, Հայաստանի Հանրապետության օրենքի 29-րդ հոդվածի հիման վրա, որպես սեփականություն, հանձնվել է Արտաշատի համայնքապետարանին՝ օրենքով սահմանված կարգով տնօրինելու համար:
Ղեկավարվելով ,,Տեղական ինքնակառավարման մասին,, Հայաստանի Հանրապետության օրենքի 18-րդ հոդվածի 1-ին մասի 21-րդ կետով, ընդառաջելով Արտաշատ համայնքի Արազի փողոցի թիվ 1 շենքի թիվ 13 հասցեում գտնվող բնակարանի բնակիչ Գարիկ Զավենի Գրիգորյանի կողմից Արտաշատի համայնքապետարան հասցեագրված 09.02.2021 թվականի թիվ Գ-132 դիմումը՝ համայնքի ավագանին որոշում է
Արտաշատ համայնքի սեփականությունը հանդիսացող՝ Արտաշատ համայնքի Արազի փողոցի թիվ 1 շենքի թիվ 13 հասցեում գտնվող 74.97 ք.մ. ընդհանուր մակերեսով բնակարանը նվիրել Զավեն Վոլոդյայի Գրիգորյանին, Ծովիկ Ալեքսանի Գրիգորյանին, Գարիկ Զավենի Գրիգորյանին որպես սեփականություն: