Ղեկավարվելով Հայաստանի Հանրապետության կառավարության 18.05.2006 թվականի թիվ 731-Ն,29.12.2005 թվականի թիվ 2387-Ն, 18.06.2006 թվականի թիվ 912-Ն, 19.01.2006 թվականի` Արտաշատ համայնքի գլխավոր հատակագիծը հաստատելու մասին թիվ 33-Ն որոշումներով և ընդառաջելով Դ.Վարդանյանի 26.12.2019 թվականի թիվ Վ-2417 դիմումին. ո ր ո շ ու մ եմ՝
- Արտաշատ համայնքի Երևան-Երասխ մայրուղի թիվ 22 հասցեի կից, Իսակով փողոցի թիվ 115 շենքի հարակից տարածքում համայնքային սեփականություն հանդիսացող 0,00655 հա բնակավայրերի այլ հողատարածքի վրա ինքնակամ կառուցված 27,18քմ արտաքին /21,43քմ ներքին/ մակերեսով հասարակական շինությունը /աստիճաններ/ /համաձայն հատակագծի/ համարել համայնքային սեփականություն և ճանաչել օրինական:
- Արտաշատ համայնքի սեփականությունը հանդիսացող, Երևան-Երասխ մայրուղի թիվ 22 հասցեի կից, Իսակով փողոցի թիվ 115 շենքի հարակից տարածքում համայնքային սեփականություն հանդիսացող 0,00655 հա բնակավայրերի այլ հողամասի գործառնական նշանակությունը փոփոխել հասարակական կառուցապատման հողամասի:
- Արտաշատ համայնքի սեփականությունը հանդիսացող, Երևան-Երասխ մայրուղի թիվ 22 հասցեի կից, Իսակով փողոցի թիվ 115 շենքի հարակից տարածքում համայնքային սեփականություն հանդիսացող 0,00655 հա բնակավայրերի հասարակական կառուցապատման հողամասը առանձնացնել որպես առանձին գույքային միավոր և տրամադրել հասցե՝ Արտաշատ համայնք, Երևան-Երասխ մայրուղի, թիվ 22/1:
- Հասարակական շինության /աստիճաններ/ զբաղեցրած և սպասարկման համար առանձնացված բնակավայրերի հասարակական կառուցապատման 0,00655 հա հողամասը ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված սահմանափակումների ցանկում, ինչպես նաև ընդգրկված չէ ինժեներատրանսպորտային օբյեկտների օտարման կամ անվտանգության գոտիներում :
- Օրինականացված հասարակական շինությունը /աստիճաններ/ համապատասխանում է Հայաստանի Հանրապետության քաղաքաշինական օրենսգրքի 188-րդ հոդվածի 5-րդ կետով սահմանված օրինականացման պայմաններին, Արտաշատ համայնքի հաստատված գլխավոր հատակագծին և քաղաքաշինական համալիր ծրագրերի նախատեսված գոտիներում գտնվող կառույցների պայմաններին:
- Հասարակական շինությունը /աստիճաններ/ կառուցված չէ քաղաքաշինական նորմերի խախտումներով, չի առաջացնում սերվիտուտ, ինչպես նաև չի խախտում այլ անձանց իրավունքները և շահերը:
- Առաջարկել իր միջոցներով կառուցած հասարակական շինությունը /աստիճան/ Դ.Վարդանյանին, գնման նախապատվության իրավունքով գնելու կամ վարձակալելու օրինականացվող կառույցը և զբաղեցրած հողամասը:
- Սույն որոշման կատարման պատասխանատու համարել համայնքապետարանի աշխատակազմի ճարտարապետության, քաղաքաշինության և հողօգտագործման բաժնի պետ Կ.Պողոսյանին:
|
|