Ղեկավարվելով Հայաստանի Հանրապետության կառավարության 18.05.2006 թվականի թիվ 731-Ն, 18.06.2006 թվականի թիվ 912-Ն, 29.12.2005 թվականի թիվ 2387-Ն և 27.04.2006 թվականի թիվ 724-Ն որոշումներով. ո ր ո շ ու մ  եմ՝

1. Արտաշատ համայնքի Արազի փողոցի վրա գտնվող, Ծովինար Սարգսյանի և Մակիչ Հակոբյանի կողմից համայնքային սեփականություն  հանդիսացող  0,00200հա  հողատարածքի վրա ինքնակամ կառուցված 20քմ արտաքին /17,45քմ ներքին/ մակերեսով կիսակառույց շինությունը /համաձայն հատակագծի/ համարել համայնքային սեփականություն և ճանաչել օրինական:
2. 0,002 հա մակերեսով բնակավայրերի այլ հողամասի գործառնական նշանակությունը փոփոխել բնակավայրերի հասարակական կառուցապատման գործառնական նշանակության հողամասի: 
3. Արտաշատ համայնքի սեփականությունը հանդիսացող, Արազի փողոցի վրա գտնվող, կիսակառույց շինությունը և զբաղեցրած բնակավայրերի հասարակական կառուցապատման հողամասը առանձնացնել որպես առանձին գույքային միավոր և տրամադրել հասցե՝ Արտաշատ համայնք, Արազի փողոց, թիվ 2/6:
4. Կիսակառույց շինության զբաղեցրած և սպասարկման համար առանձնացված  բնակավայրերի հասարակական կառուցապատման 0,0020 հա հողամասը ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված սահմանափակումների ցանկում, ինչպես նաև ընդգրկված չէ ինժեներատրանսպորտային օբյեկտների օտարման կամ անվտանգության գոտիներում :
5.  Օրինականացված կիսակառույց շինությունը համապատասխանում է Հայաստանի Հանրապետության քաղաքաշինական օրենսգրքի 188-րդ հոդվածի 5-րդ կետով սահմանված օրինականացման պայմաններին,  Արտաշատ համայնքի հաստատված գլխավոր հատակագծին և քաղաքաշինական համալիր ծրագրերի նախատեսված գոտիներում գտնվող կառույցների պայմաններին:
6. Կիսակառույց շինությունը կառուցված չէ քաղաքաշինական նորմերի խախտումներով, չի առաջացնում սերվիտուտ, ինչպես նաև չի խախտում այլ անձանց իրավունքները և շահերը:
7.  Առաջարկել  իր միջոցներով կառուցած կիսակառույց շինությունը Ծովինար Սարգսյանին և Մակիչ Հակոբյանին, գնման նախապատվության իրավունքով գնելու կամ վարձակալելու օրինականացվող կառույցը և զբաղեցրած հողամասը:
8. Սույն որոշման կատարման պատասխանատու համարել համայնքապետարանի աշխատակազմի ճարտարապետության, քաղաքաշինության և հողօգտագործման բաժնի պետի ժ/պ` Ա.Բադալյանին: