Զեկ. ԱՐԱՐԱՏ ԳՈԼԵՑՅԱՆ

   Ղեկավարվելով ,,Տեղական տուրքերի և վճարների մասին,, Հայաստանի Հանրապետության օրենքի 16-րդ հոդվածի 1-ին մասով համայնքի ավագանին
ո ր ո շ ու մ   է`

   1. ,,Արտաշատ քաղաքի երաժշտական դպրոց,, համայնքային ոչ առևտրային կազմակերպության ծառայություններից օգտվողների համար համայնքի կողմից մատուցվող ծառայությունների դիմաց փոխհատուցման վճարի 100 % չափով նվազեցման արտոնություն սահմանել`

    1/ Հայաստանի Հանրապետության պաշտպանության նախարարության զորամասերում ծառայության ժամանակ զոհված կամ հաշմանդամ դարձած զինծառայողների երեխաների համար.

    2/ երկկողմանի ծնողազուրկ երեխաների համար:

   2. ,,Արտաշատ քաղաքի երաժշտական դպրոց,, համայնքային ոչ առևտրային կազմակերպության ծառայություններից օգտվողների համար համայնքի կողմից մատուցվող ծառայությունների դիմաց փոխհատուցման վճարի 50  % չափով նվազեցման արտոնություն սահմանել`

    1/ միակողմանի ծնողազուրկ /մահացած ծնող ունեցող/ երեխաների համար.

    2/ 1-ին և /կամ/ 2-րդ կարգի հաշմանդամ ծնող ունեցող երեխաների համար.

    3/ երեք և ավելի անչափահաս երեխա ունեցող, ընտանիքի անապահովության սահմանային միավորից բարձր միավոր ունեցող ընտանիքների երեխաների համար.

    4/հաշմանդամ երեխաների համար:

   3. ,,Արտաշատ քաղաքի երաժշտական դպրոց,, համայնքային ոչ առևտրային կազմակերպության ծառայություններից օգտվողների համար կիրառվում է համայնքի կողմից մատուցվող ծառայությունների դիմաց փոխհատուցման վճարի միայն մեկ արտոնություն:

   4. Ոչ արտաշատաբնակ, այդ թվում Հայաստանի Հանրապետության պաշտպանության նախարարության զորամասերում ծառայող ոչ արտաշատաբնակ զինծառայողների երեխաները չեն օգտվում համայնքի կողմից մատուցվող ծառայությունների դիմաց փոխհատուցման վճարի նվազեցման արտոնությունից:

   5. Իրավունք վերապահել համայնքի ղեկավարին համայնքի կողմից մատուցվող ծառայությունների դիմաց փոխհատուցման վճարի համար կիրառելու 50-ից 100  %-ի չափով նվազեցման արտոնություն`համայնքի ավագանու կողմից սահմանված կարգին , պայմաններին և չափորոշիչներին համապատասխան:

    6. Սույն որոշումն ուժի մեջ է մտնում 2021 թվականի հունվարի 1-ից: